Create successful ePaper yourself
Turn your PDF publications into a flip-book with our unique Google optimized e-Paper software.
pfesa vhuṱungu. Wa mufumakadzi ene arali o tou lovhelwa nga munna, u lila a<br />
tshi humbula na uri o siwa e eṱhe nahone o yafhi? Izwo zwi ḓo tou shaya<br />
phindulo ngauri muvhudziswa ha tsha kona u fhindula. Musi vhathu vho no<br />
fukedza, hu a dziiwa ha vhewa zwiṅwe zwa zwishumiswa zwe mufu a vha a<br />
tshi zwi shumisesa nṱha ha ḽivhiḓa. Hu a vha na vhuṱambo vhune ha itwa nga<br />
murahu ha mbulungo. Muhumbulo muhulwane wa vhuṱambo uho, ndi wa u<br />
ṱanzwa dzitshikha dze vhathu vha dzi wana musi vha tshi khou vhulunga<br />
mufu. Izwo ndi u ya nga ha mvelele yavho. Vha dovha hafhu vha shavhisa<br />
mafhanza kha lushaka arali zwo raloho zwa sa itwa.<br />
Mufumakadzi wa mufu u ya nga ha maitele avho, u a fhedza tshifhinga<br />
tshilapfunyana a sa athu u tendelwa u fara mishumo yawe. Vha sumbedzisa<br />
uri nga murahu hu a vhidzwa maine wavho u a ḓa a handulula muḓi woṱhe,<br />
thundu yoṱhe khathihi na ene mufumakadzi . Nga itsho tshifhinga ha pfi o<br />
bviswa nḓuni. U sumbedza ṱhonifho kha mufu, vhathu vha a vheulwa<br />
mavhudzi. Tshiila tshavho tshi a kona u fhedza miṅwaha tshi tshe hone.<br />
2.10 MAVHULUNGELWE A MATHOZA<br />
Mavhulungele a holwu lushaka ho ngo tou fhambanelana kule na a Vhavenḓa .<br />
U ya nga ha tshiko 7 vha sumbedzia uri arali ho lovha muthu wa tshisadzini,<br />
mushumo muhulwane wa u mu ṱama a sa athu u ya vhuaweloni hawe ha<br />
tshoṱhe ndi wa vha tshisadzini. Ngeno–vho arali hu wa tshinnani, zwi tshi itwa<br />
nga vha vhanna. Mavhiḓa avho o vha e mahayani. Livhiḓa ḽa hone vha<br />
50