You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
U ḓa havho vha dzula henefho muṱani lwa tshifhinganyana vha konou takuwa<br />
vha ṱuwa.<br />
Hu a vha na maḓi ane a vhewa henefho tsininyana na muṱa e kha dongo. Maḓi<br />
ayo a vha o ṱanganyiswa na mishonga ya maine. Hu dovha hafhu ha wanala<br />
tshipiḓa tsha bophavhafu uri tshi ḓo kona u shuma kha u phapha vhathu maḓi.<br />
Bophavhafu iḽo ḽi vha ḽo kanḓiwa zwavhuḓi nga phanḓa. Muṅwe wa vhakegulu u<br />
dzhia a ḽi thotha fhaḽa kha aḽa maḓi a phapha muthu kha phanḓa, kha mutsinga,<br />
kha khana, nga nnḓa na ngomu, kha khana, nga nnḓa na ngomu ha zwanḓa na<br />
nnḓa na ngomu ha lwayo. Izwo ndi zwi itwaho vhathu vhoṱhe vha no khou ḓa u<br />
imela. Zwi vha zwithu zwi itwaho lwa maḓuvha a re na tshivhalo. Musi muthu o<br />
no shashiwa u dovha a gumiswa na muuluso. Vha mbo ṱahisa ḽa uri zwi vha zwi<br />
khou tsireledza vhathu kha sia ḽa uri vha sa vhe vha mafhanza.<br />
Musi vha tshi ḓa vha sia ḽa mufumakadzi wa mufu, vha ṱahisa fhungo ḽa uri u bva<br />
nḓuni nga murahu ha musi o no handululwa. Uyo ndi mushumo une wa itwa nga<br />
maine. Hu dovha hafhu ha handululwa na thundu ya mufu uri i ḓo dovha hafhu<br />
ya konou shumiswa nga vho salaho. Nga itsho tshifhinga vhathu vha a palulwa<br />
dziṱhoho u sumbedza ṱhonifho kha mufu. Musi hu tshi ḓa kha sia ḽa khoro, nga<br />
mvelele ya Vhavenḓa vhathu a vha tei u kanda he ṋayo dza mufu dza kanda. Ndi<br />
ngazwo zwine nga murahu ha mbulungo, hu tshi mbo ḓi thivhiwa khoro ha vuliwa<br />
iṅwe. Afho ndi hune ra nga ri khoro yo shoshwa ṱanzu. Izwo zwi itiwa arali ho<br />
lovha Ṋemuḓi. Nga Tshivenḓa u imela hu a ḓi itwa na nga murahu ha ṅwaha.<br />
Muthu ane a bva kule kana ane a shuma kule lune ha sokou vhuya, u a ḓi ḓa<br />
85