You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
<strong>NDIMA</strong> <strong>YA</strong> 3<br />
3 MBULUNGO HO LAVHELESWA KHA SIA ḼA VHAVENḒA FHEDZI<br />
3.1 MARANGAPHANḒA<br />
Muhumbulo muhulwane une musengulusi a vha nawo wa u ṱoḓou ḓivha zwinzhi<br />
zwine zwa wanala kha mbulungo dzine dza vha hone vhukati ha holu lushaka,<br />
ndi wa u ṱoḓou bvisela khagala zwine lushaka lwa vha lu sa zwi ḓivhi zwine zwa<br />
elana na mbulungo dzenedzi. Musengulusi u ḓo sedzulusa zwine Vhavenḓa vha<br />
dzhiisa zwone mbulungo, vhundeme hayo kha lushaka, kupfesesele kwavho<br />
khayo, ndi zwifhio zwe zwa vha zwi tshi itwa zwine zwino a zwi tsheho. Musi hu<br />
tshi iwa phanḓa ha ḓo ṱolwa-vho na fhungo ḽa uri vhane vha tea u dzhenelela kha<br />
mbulungo idzo ndi vhafhio nahone ndi ngani vha vhenevho.<br />
Zwi tshi kha ḓi vha zwo ralo, musengulusi u ḓo dovha a lavhelesa na kha fhungo<br />
ḽa zwifhinga zwine mbulungo dza tea u farwa ngatsho. Kha mavhulungele ayo<br />
nga u angaredza mvelele na ṱhonifho zwe zwa vha zwi hone kha Venḓa ḽa<br />
mulovha zwi kha ḓi vha hone na, nahone ndi ngani zwo ralo. Musi ri kha ḓi vha<br />
kha ḽeneḽi, hu ḓo dovha ha sedzuluswa na vhuḓi na vhuvhi zwine zwa wanala<br />
vhukati ha mbulungo idzo. Arali ro lavhelesa ra wana uri maitele a kale ha tsha<br />
tevhedzwa, mvelele na ṱhonifho a zwi tsheho, ndi zwifhio zwine zwa nga itwa-vho<br />
uri maitele ayo a kone u vhuelela ngonani.<br />
60