You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Tshiṅwe tshifhinga u nga wana vha khou lwala, vhaṅwe vha khou lwa, vhaṅwe<br />
vha sokou thathiwa mishumoni hu si na zwe vha khakha, na zwiṅwe zwinzhi<br />
zwine zwa nga bvelela henefho muṱani. Vha tshi ndo tshimbila vha pfa hu tshi<br />
vho ambiwa nga lugungulo lwa o lovhaho kale we a sa itelwe mushumo wa u<br />
luvhedza. Vha ṱalutshedza zwauri musi hu tshi itwa tshiluvhelo vhathu vha vha<br />
vho ḓi takalela. A zwi tsha fana na nga ḓuvha ḽa mbulungo. Dakalo ḽi vha ḽi ḽa uri<br />
nga murahu ha mushumo uyo zwithu zwavho zwi ḓo vha tshimbilela.<br />
Musi vha tshi ita mushumo uyo, hu dzhiiwa maḓi manzhi a shelwa mutulini. Hu<br />
dovha hafhu ha wanala mbudzi ine yo tea u ḓa u ita mushumo uyo. Mbudzi iḽa i a<br />
kombetshedzwa ya ndondomedzelwa ṱhoho ngomu uri i nwe maḓi ayo. I tea u<br />
nwa maḓi ayo u swika a tshi fhela. Musi vha tshi vho zwi vhona uri i nga i khou<br />
ṱoḓou fa, vha a i dzhia ya ya ya ṱhavhiwa.<br />
Vha sumbedzisa uri nga murahu ha izwo, maine u ya a ṱhukhula zwipiḓapiḓa kha<br />
miraḓo yayo yoṱhe. Zwipiḓa izwo zwa ṱanganyiswa na mishonga ya ene maine<br />
zwa konou dovha hafhu zwa ṱanganyiswa na zwa thumbuni zwa konou bikwa. Iḽa<br />
iṅwe ṋama yoṱhe ya bikelwa thungo. A hu sali iṅwe i bikwa ya fhelela yoṱhe.<br />
Vhathu vha thoma nga u ḽa iḽa i songo ṱanganyiswaho na mishonga. I ḽiwa ya<br />
fhelela. Marambo a dzhiiwa a kuvhanganyiwa zwavhuḓi oṱhe. Marambo ayo a<br />
kumbelwa luseloni.<br />
Vha ri kha sia ḽa iḽa yo ṱanganyiswaho na mishonga, vha ri maine u a dzhia haka<br />
kana lutanda lwo vhaḓiwaho zwavhuḓi lwa ita ṱhodzi a ṱhavha kupiḓa a ḽisa<br />
77