You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
4.20.5 Tombo ḽi vhewaho nṱha ha ḽivhiḓa<br />
Nga maitele a kale na kale a Vhavenḓa, nṱha ha ḽivhiḓa hu vhewa matombo u<br />
mona naḽo. Matombo a hone ndi enea ane ra tou dobedzela. A shuma u<br />
tikedzela mavu uri a si we. Matombo eneo ha vhi o tou rengwa, nga iṅwe nḓila a<br />
zwi ḓureli vhathu u a wana. Tombo ḽihulwane ḽo vha ḽi tshi vhewa sa tshiga tsha u<br />
sumbedza he ṱhoho ya eḓela hone. Tombo iḽo ḽi vhewa nga muṅwe wa lushaka.<br />
Arali ho lovha wa munna, tombo iḽo ḽi vhewa nga ṅwana wawe muhulwane wa<br />
mutuka.<br />
Matombo ane ra wana a tshi shumiswa ano maḓuvha a vha a ane a tou rengwa.<br />
U wana vhathu vha tshi tou ḓidina vhukuma nga u renga matombo ane a ḓura<br />
nga maanḓa. Vhathu vha vha vha khou ṱoḓou vhonwa na u ita muṱaṱisano na<br />
vhaṅwe. Vhathu vha ḓi khoḓa zwihulu musi vha tshi sumbedzisa uri tombo ḽa<br />
muthu wa havho ḽi fhira ḽa vhaṅwe. Vhathu vha tambisesa masheleni manzhi kha<br />
u ṱoḓa tombo ḽi no ḓuresa uri vha kone u vhonwa. Izwo zwi mbo sia vhathu vha<br />
tshi hangwa uri hafhu tombo tshi tou vha tshiga tshine tsha ri sumbedza ho<br />
eḓelaho shaka ḽashu.<br />
Kha vhathu vhahulwane zwo raloho zwi a vha ṱomola dzimbilu vha tshi vhona<br />
matambiselwe a masheleni. Vha dovha hafhu vha humbulela vho salaho uri<br />
masheleni ayo vho vha vha tshi ḓo ḓi sala vha tshi a shumisa. Vha kwamea<br />
zwihulu musi vha tshi sedza uri mvelele afho i vha yo ngalangala lwa tshoṱhe.<br />
155