Create successful ePaper yourself
Turn your PDF publications into a flip-book with our unique Google optimized e-Paper software.
Tshiko tshi sumbedzisa uri arali mativha o xa zwiḽeli izwo ndi zwone zwine zwa<br />
vha maalo a musanda. Vhathu avho vha a dzhiiwa vha vhulahwa nga nḓila ya u<br />
tou hungwa mukulo vha konou vha zwitovho zwa khosi. Vhathu avho vho vha<br />
vha tshi ri u vhulahwa, ha sa vhe na ane a zwi ḓivha uri vho ya ngafhi. Vhe vha<br />
vha vha tshi zwi ḓivha ho vha hu dzikhadzi na makhotsimunene. Sa izwi<br />
musanda hu tshi dzulela u lila tshikona, kanzhi hezwi zwo vha zwi tshi itwa<br />
maṋanga o ṱanganedzana. Vhathu avho vho vha vha tshi vhulungwa na khosi.<br />
Vhaṅwe vho vha vha tshi vhewa nga fhasi ha tshitumbu vhaṅwe vha ḓi vhewa na<br />
nga nṱha hatsho.<br />
Nga lutendo lwavho izwo a zwi dzhiiwi zwi zwithu zwo khakheaho. Vha zwi dzhia<br />
i yone nḓila ya khuliso kha khosi. Vhathu vha vha na lutendo lwa uri sa izwi khosi<br />
yo vha yo ḓowela u ruma vhenevho vhathu, ndi khwiṋe vha tshi ḓi ṱuwa navho,<br />
vha ḓo ḓi dovha vha vha ruma henengei phanḓa. Vha fulufhela uri arali ha itwa<br />
izwo, muya wa muhali u ḓo eḓela zwavhuḓi zwa ḓo ita uri na shango ḽi vhe na<br />
mulalo.<br />
Maitele ayo kha vhathu vha musalauḽa o vha e one-one nahone a sa dini.<br />
Fhedzi-ha kha vha musalauno izwi ndi thaidzo khulu. A hu na muthu ane a nga<br />
sokou ngalangala a sa ṱoḓiwe. Muthu arali a nga fhedza maḓuvha mavhili kana<br />
mararu a sa vhonali, hu mbo ḓi vuwa gudu ḽa u ṱoḓa na zwenezwo. Vha dovha<br />
hafhu vha tikedzwa nga tshiko 10 musi vha tshi ri ano maḓuvha a hu tshe na ane<br />
a kha ḓi tenda u vhulahelwa wa hawe a sokou fhumula. Izwo ndi zwi sa<br />
146
Change language