You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
vhathu a vha na fulufhelo kha zwa marambo. Vhathu vha pfesesa uri arali vha<br />
vhuya vha ya ṅangani, vha tshi ya u vhonisa, vha vhuya vha tshi luṱana.<br />
Vha isa phanḓa nga ḽa uri ṅanga a i fhaṱi i tou balanganya. Vhathu avha vha<br />
dovha hafhu vha hanedzana na fhungo ḽa uri arali zwithu zwi sa tshimbili muṱani,<br />
ndi ṅwambo wa zwi songo itwaho zwa vho lovhaho. Vha dovha hafhu vha ṱahisa<br />
ḽa uri naho vhathu vha ḓivha tsho ḽaho muthu, a hu na tshine tsha ḓo itwa ngauri<br />
mufu ha nga vuwi. Tshi salaho kha vhathu ndi bomepome na u vhengana. Lufu<br />
kha thangana ya ano maḓuvha a si tshithu tshi dinaho. Naho vhathu vhahulwane<br />
vha nga tou vhidza maine uri a ḓe a zwi itele henefho hayani, kha vha<br />
musalauno a vha nga zwi pfesesi na luthihi. U wana hu tshi mbo ḓi vuwa<br />
phambano henefho vhukati ha mirafho iyo. Kha vhathu vhahulwane u sa bviswa<br />
ha ṱhangu tshi vha tshithithisi tshihulu khavho.<br />
4.13 U SA VHEWA HA ZWIDUDU, LUFO, LUFHEṰO, MBAḒO, THONGA NA<br />
ZWIṄWE ZWI NGAHO IZWO NṰHA HA ḼIVHIḒA.<br />
Misini ya kale u ya nga ha tshiko tsha mafhungo 5 vha ri ḽivhiḓa ḽo vha ḽi tshi<br />
vhonala nga matombo u mona naḽo. Arali ḽi ḽa wa munna ḽo vha ḽi tshi vhonala<br />
nga mbaḓo, thonga, mafumo na zwiṅwe zwoṱhe izwo zwi vha zwo vhewa<br />
henefho nṱha haḽo. Zwithu izwo u ya nga ha lutendo lwavho zwi dzhiiwa uri sa<br />
izwi o vha o zwi ḓowelesa musi a kha ḓi vha kha ḽa vha tshilaho, u ḓo ḓi dovha a<br />
zwi shumisa kha shango ḽine a khou ya khaḽo. I no nga mbaḓo zwi amba zwauri<br />
u ḓo ḓi dovha a rema ngayo basha henengei phanḓa.<br />
137