Create successful ePaper yourself
Turn your PDF publications into a flip-book with our unique Google optimized e-Paper software.
ha koni u i posa, arali a i posa u a mbo ḓi phula mbovho khulu. Iyo ya vha<br />
tsumbo ya uri zwo tenda.<br />
Sa izwi tshifhingani tsha kale ho vha hu si na mimotshara, muthu o vha a tshi ri u<br />
lovha a mbo ḓi vhulungwa na ḽeneḽo ḓuvha. Vha ri arali o lovha nga maḓautsha,<br />
o vha a tshi mbo vhulungwa nga maṱavhelo. Fhedzi arali o lovha ḽo no ḓi siara, a<br />
tshi vhulungwa nga mathabama. Mbulungo i nga tou lenganyana arali hu kha ḓi<br />
tou lindelwa mashaka o tevhelelwaho a no dzula kulenyana. Ayo a nga vha<br />
mashaka ane zwithu zwi nga si tshimbile zwavhuḓi arali vha siho tsini.<br />
Zwa mbo khwaṱhisedzwa-vho nga tshiko tsha mafhungo 6 musi vha tshi ri arali<br />
mufu o vha o malwa vha hawe vha tshi tama u mu vhulunga, a vha hanelwi. Ndi<br />
zwithu zwa lushaka kha u dzudzanya fhungo iḽo. Themendelo yazwo i bva kha<br />
munna wawe, dzikhadzi, makhotsimunene na vhomalume. Vha ri dziphele ndi<br />
dzone dzine dza fhaṱa muḓi. Tshi itisaho uri vha pfi dziphele ndi tsha uri vha bwa<br />
dindi iḽo vhusiku. Sa dziphele musi dzi tshi bwa milindi yadzo.<br />
Tshiitisi tsha uri hu bwiwe vhusiku ndi tsha uri vhathu vha vha vha khou<br />
sumbedza ṱhonifho kha mufu na u shavhisa nyofho dzine dza nga vha hone kha<br />
vhana. Vhavenḓa ndi vhathu vha tendaho kha ḽa uri naho muthu a si tsha tshila u<br />
kha ḓi dzhenelela kha zwithu zwinzhi henefho muṱani. Vhathu vha tshisadzini vha<br />
vha vhone vha ṱamaho muthu wa tshisadzini. Vha dovha vha sumbedzisa uri<br />
musi a tshi ya vhulaloni hawe u vha o putelwa nga nguvho.<br />
72