Create successful ePaper yourself
Turn your PDF publications into a flip-book with our unique Google optimized e-Paper software.
nahone zwi nga konḓa uri a dovhe a vhe na muṅwe ṅwana. Tshiko itsho ndi tshi<br />
vhidzaho afho nṱha ndi muṅwe wa vhomaine vha Vhavenḓa vhane vha shumana<br />
na zwa dziṱhangu. Avho ndi vha thusaho vhathu vhoṱhe hu si vhana fhedzi. Vha<br />
dovha vha ṱahisa ḽa uri nga murahu ha zwithu zwoṱhe mme a ṅwana u a<br />
gumiswa muuluso. Muuluso uyo ndi u mu thusaho kha ḽa uri a songo tsha<br />
dzulela u vha na mazhuluzhulu kha zwo iteaho nahone a songo sokou dzulela u<br />
humbulesa nga ha ṅwana wawe a si tsha vhaho hone.<br />
3.3 MAVHULUNGELWE A VHAFUMAKADZI VHA VHAMBEDZI ETC.<br />
U ya nga ha tshiko 5 vha tshi ṱalutshedza nga ha mavhulungele a vha tshisadzini<br />
vha ri, musi vhathu avho vha tshi vhulungwa vha vhulungwa u fana na muthu<br />
muṅwe na muṅwe. Itshi ndi tshiko ngauri vha vha mualuwa vhukuma henefho<br />
kha tshitshavha. Vha ri mavhulungele avho a nga tou fhambana fhedzi kha hune<br />
vha vhulungelwa hone, zwifhinga zwine vha vhulungwa ngazwo musi ho<br />
lavheleswa kha sia ḽa maimo avho. Maimo ane a khou ambiwa ndi a musi ro<br />
sedza uri muthu uyo ndi mukololo kana ndi musiwana naa.<br />
Vha dovha vha ṱahisa ḽa uri tshifhingani tsha kale tshetshe dzo vha dzi tshi<br />
thuswa nga tshikanda tsha ṱharu. Muthu onoyo o vha a tshi tshila a lalamesa. Sa<br />
izwi ri tshi zwi ḓivha uri ṱharu i fe zwi tshi konḓa, na kha muthu zwo ralo. Afho ri<br />
vha ri khou amba nga ha onoyo o thuswaho nga tshikanda tsha yone ṱharu. Vha<br />
ri arali muthu wa hone a tshi khou lwala, u nga ḓi wana ḽiṅwe ḓuvha a tshi nga ha<br />
69
Change language