Create successful ePaper yourself
Turn your PDF publications into a flip-book with our unique Google optimized e-Paper software.
ṱanganedzeiho kha murafho wa zwino. Ndi ngazwo ano maḓuvha zwi si tsha vha<br />
hone. Vhathu vha shavha u devha thebvu nṋu.<br />
4.19 ZWA U LUVHEDZA<br />
Ṱhanḓavhudzo iyo i ḓa nga tshiko tsha mafhungo 5 musi vha tshi sumbedzisa uri<br />
misini ya kale, muthu arali o lovha, nga maanḓa muthu muhulwane, o vha a tshi<br />
vhulungwa o putelwa nga mukumba arali e na zwawe. Ngeno kha a si na tshawe<br />
o vha a tshi putelwa nga nguvho. Nga murahu ha mbulungo hu a vha na<br />
vhuṱambo ha u luvhedza. Uvho ndi vhuṱambo vhune ha itwa na maine a hone.<br />
Afho vhuṱamboni uvho hu vha hu khou shumiswa mbudzi.<br />
Vha isa phanḓa nga ḽa uri ho vha hu tshi dzhiiwa ha shelwa maḓi a ḓadza mutuli.<br />
Mbudzi iḽa ine ya khou ya u ita mushumo, i a dzhiiwa ya kombetshedzwa u nwa a<br />
ḽa maḓi naho i si na ḓora. Mbudzi iyo i tea u a nwa u swika a tshi fhela. Musi i tshi<br />
vho vhonala uri i nga i khou nwela khothe, i a bviswa, ya ya ya ṱhavhiwa. Vha ri<br />
musi yo no fhela u ṱhavhiwa, maine u a ya a ṱhukhula zwipiḓapiḓa kha miraḓo<br />
yayo yoṱhe a tshi zwi vhetshela thungo. U dovha hafhu a wana na zwa thumbuni<br />
zwa ṱangana na izwo. Zwoṱhe zwi ya zwa bikwa zwo ṱangana na mishonga ya<br />
maine.<br />
Vha dovha hafhu vha sumbedzisa uri iḽa iṅwe ṋama yoṱhe i a bikelwa thungo. I<br />
vha i songo ṱanganyiswa na mindaandane ya maine. Ṋama dzoṱhe dzi tea u ḽiwa<br />
dza fhela ḽeneḽo ḓuvha. Maine a nga ḓi ṱuwa na voho kana tshizwa. Musi yo no<br />
147