You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
ya ḓowelea, na vhuṱambo vhuṋe ha nga ha u bvisa ṱhangu na ha u luvhedza a<br />
vhu lengi u itwa. Vha ḓadzisa nga ḽa uri arali mufu a lovha e mulimi, zwiliṅwa<br />
zwawe zwoṱhe zwi a dzhiiwa zwa ṱanganyiswa zwa kangiwa, zwa kuyiwa zwa<br />
ṱanganyiswa na mishonga ya maine zwa itwa muuluso wa mafa. Izwo zwi vha<br />
zwi khou itelwa uri kha vho salaho ndimo i vhe yavhuḓi. Khuni dzawe dze dza<br />
vha dzo sala dzi a fhiswa dzoṱhe. Vhathu vha shumisa khuni dze dza reḓiwa nga<br />
murahu ha lufu.<br />
3.7 MAVHULUNGELWE A MUTHU O FHALALAHO<br />
Tshiko tsha mafhungo 8 vha sumbedzisa uri arali muthu o lovhela kule na hayani<br />
lune na u vhulungwa a vhulungelwa henengeyo, u pfi o fhalala. Vha dovha hafhu<br />
vha ṱahisa fhungo ḽa uri muthu onoyu u vhulungwa nga vhathu vha si gathi<br />
nahone vha vhatsinda. Tshiṅwe tshifhinga vha lushaka vha nga ḓi lu pfa lufu lwa<br />
muthu uyo, fhedzi vha kundelwa u ya u mu dzhia, u nga ḓi wana hu tshi nga tou<br />
ya vhurumelwa vhu si gathi. Vhathu avho vha swika vha thusana na vhenevho<br />
vhahura vhawe. Mbulungo ya lushaka ulu i dzhiiwa i mbulungo ya u tou laṱa<br />
muthu. Tshaka dzoṱhe dzi shumisa eneo maitele.<br />
Vha dovha hafhu vha isa phanḓa nga ḽa uri ngauri mufu uyo u vha a songo eḓela<br />
tsini na vha hawe, zwi mbo khwaṱhisedza fhungo ḽa uri u vha o tou laṱwa<br />
vhukuma. Muya wawe u vha u songo lala ngauri u vha o eḓela vhukati ha<br />
vhatsinda. U ya nga ha lutendo lwa Vhavenḓa, vha vhona muthu uyo a songo<br />
ṱanganedzea muṱani wa vhomakhulukuku wawe. U ya nga ha tshiko itsho vha ri<br />
92
Change language