You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
4.6 U THIVHIWA HA KHORO MUSI HO LOVHA MUṊE WA MUḒI (ṊEMUḒI)<br />
Mvelele ya Vhavenḓa u ya nga ha tshiko 6 vha ri i tenda kha ḽa uri arali ho lovha<br />
muṋe wa muḓi, khoro i a valiwa. Nga zwenezwo ha pfi ho tshotshwa ṱanzu. Izwo<br />
u ya nga ha maitele avho yo vha i tsumbo ya uri tshikuni tsho dzima. Nga inwe<br />
nḓila Ṋemuḓi ha tsheho. Musi vha tshi ṱalutshedza vha amba zwauri nga<br />
maitele a Vhavenḓa arali ho lovha muṋe wa muḓi, vho salaho a vha tei u kanda<br />
he a vha a tshi kanda hone. Ndi ngazwo vha tshi tenda kha ḽa u thivha khoro ha<br />
phuliwa iṅwe.<br />
Iyo ine ya phuliwa nga murahu ha mbulungo ya vhidzwa u pfi ndi tshivhana.<br />
Tshiṅwe tshifhinga wo vha u tshi wana vhaṅwe vha tshi thivha na muṋango wa<br />
nnḓu ya mufu vha phula muṅwe. Vha tshi ḓi shavha hone u kanda he ṋayo dza<br />
mufu dza kanda.<br />
Musi vha tshi lavhelesa kha fhungo iḽi vha wana uri sa izwi khura dza misini ya<br />
kale dzo vha dzi dza maṱanzu a mipfa, zwo vha zwi sa vha lemeli u shosha<br />
khoro vha phula tshivhana. Tshihulwane tshe tsha vha tshi tshi itiwa ho vha hu<br />
tou haḓa ḓaka kana luhura ha bva nḓila vha konou khuredzela uri hu tshimbilee.<br />
Izwo zwo vha zwi sa vha dzhileli na tshifhinga tshingafhani kha u zwi ita nahone<br />
vho vha vha sa lozwi tshithu khazwo. U ya nga ha mvelele yavho, zwo raloho<br />
zwo vha zwi tshi ri u itiwa zwa sia mbilu dza vhahulwane dzo rula.<br />
125