Create successful ePaper yourself
Turn your PDF publications into a flip-book with our unique Google optimized e-Paper software.
Izwo zwa mbo khwaṱhisedzwa nga Stayt (1931:84) musi a tshi ri :<br />
When a female dies, her corpse is left entirely under<br />
the care of older females. They make preparations<br />
which are accorded to the corpse of the females. A<br />
women’s corpse is never wrapped in a skin.<br />
Musi tshitumbu tshi tshi bva nḓuni kana henefho tshiṱangani, arali mufu o sia<br />
vhana, ṅwana muṱuku u a vhidzwa uri a ḓe a seriswe bogisi. Nga itsho tshifhinga<br />
tshitumbu tshi vha tsho farwa tsha imiselwa nṱha. Ṅwana u seriswa luraru a<br />
konou ṱuwa. Afho ri wana ṅwana sa izwi a songo vhuya a vhudzwa na zwauri<br />
mme vho lovha, a sa zwi ḓivhi uri u khou seriswa tshithu-ḓe tsho imiselwaho<br />
nṱha. Na uri zwi khou itelwa mini u vha a sa zwi ḓivhi.<br />
Tshiko tshi ṱanḓavhudza ḽa uri arali ṅwana a sa itwa izwo miraḓo yawe a i<br />
khwaṱhi nahone u a vha na vhulwadze ha khofhe. U bva afho mufu u hwalelwa<br />
vhulaloni hawe ha tshoṱhe. Sa izwi tshifhingani itsho ho vha hu si na mitshini ya u<br />
tsitsa mufu, vhathu vho vha vha thsi tou ṋekedzana tshitumbu. Zwine zwa amba<br />
uri vhaṅwe vho vha vha tshi tou dzhena nga ngomu dindini. Vha re nnḓa vha<br />
konou vha ṋekedza vha konou ladza tshitumbu itsho.<br />
U ya nga ha mvelele ya Vhavenḓa, vha tenda kha ḽa uri sa izwi musadzi a sa vhi<br />
tshipiḓa tsha nndwani, u vhulungwa nga nḓila ya u tou ladzwa. Ha lavhelelwi u<br />
vuwa musi zwo vhifha. Vha dovha vha isa phanḓa nga ḽa uri ṱhoho ya mufu i<br />
sedziswa hune a bva hone. Afho hu vha ho lavheleswa kha fhungo ḽa vhubvo<br />
73
Change language