Create successful ePaper yourself
Turn your PDF publications into a flip-book with our unique Google optimized e-Paper software.
yeneiḽa ye mufu a vha a tshi eḓela o fuka yone. Iyo nḓila ye ya vha i tshi<br />
shumisiwa misini ya kale, yo vha i sa ḓureli vhathu na luthihi.<br />
Ngauri zwithu zwo no shanduka, zwa ano maḓuvha ri wana zwi tshi vho<br />
fhambana kule na zwa misini ya kale. Ano maḓuvha na ṅwana muṱukuṱuku wa<br />
lutshetshe musi a tshi vhulungwa ha tsha putelwa nga nguvho. Hu vho shumiswa<br />
bogisi ḽine ḽa tou rengwa nahone ḽine ḽa ḓura vhukuma. Vhathu vha musalauno<br />
vha funesa u shumisesa tshelede kha u ita zwithu zwo raloho. Vha dovha hafhu<br />
vha hangwa uri arali e mubebi, o sia vhana, masheleni ayo o vha a tshi nga kona<br />
u sala a tshi shumela avho vhana. Vhaṅwe u wana vha tshi vhulungwa nga<br />
mabogisi a no ḓuresa ane a vha a ngilasi. Zwoṱhe zwi vha zwi khou itelwa uri<br />
vhathu vha kone u vhonwa.<br />
U wana vhathu vha tshi takala vhukuma arali mufu wavho o ṱuwa nga bogisi ḽi<br />
vhonalaho. Arali zwa nga tshimbila nga u ralo, zwi nga dzula zwi milomoni ya<br />
vhanzhi lwa tshifhinga tshilapfu. Vhathu vha vha na fulufhelo ḽa uri muya wawe u<br />
ḓo eḓela nga mulalo arali ho itwa izwo. Vhathu nga hetshi tshifhinga vha vha vha<br />
kha muṱaṱisano wa uri ndi tea u fhira zwa vhomugede. Kha vhathu vha musalauḽa<br />
zwo raloho zwa vha makhaulambilu. Vha elekanya uri hafhu mufu a tshi kha ḓi<br />
tshila o vha a tshi balelwa na nga nguvho zwayo ya vhulaloni. Vha humbula<br />
mutengo wa bogisi iḽo ḽine ḽa nga a ḽi khou ya u fukedzwa, ḽine ḽa nga ḽa u<br />
khavhisa, vha wana u tshi fhirela kule wa nguvho. Mbilahelo dzavho dza vha dza<br />
u vhona masheleni ayo ane a khou sokou mbindimedzwa mavuni, ngeno hu kha<br />
ḓi vha na vhutshilo kha vho salaho.<br />
151
Change language