Create successful ePaper yourself
Turn your PDF publications into a flip-book with our unique Google optimized e-Paper software.
Musengulusi u ḓo thoma zwawe nga u sengulusa lushaka lwa Vhaphani. Avha<br />
ndi vhane vha vhidzwa u pfi Masingo. Tsenguluso i ḓo vha hone ho lavheleswa<br />
kha mirole yo fhambanaho. Izwo zwa ḓo dovha zwa ita uri hu dzhenwe na kha<br />
sia ḽa maimo avho.<br />
3.2 MAVHULUNGELWE A VHANA HO LAVHELESWA KHA TSHAKA DZA<br />
VHAPHANI, VHARONGA ETC NAHO HU SA ḒO TOU VHA NA<br />
NDOVHOLOLO, ZWI ḒO TOU KATELWA HENEFHA ZWOṰHE.<br />
Mvelele sa tshithu tshi ṱhonifheaho kha Vhavenḓa, a vha i laṱi. Izwo ndi zwi<br />
konaho u vhonala na musi ho lovha ṅwana muṱuku. U ya nga ha tshiko tsha<br />
mafhungo 1, musi vha tshi ṱanḓavhudza fhungo iḽo vha ri nga mvelele ya havho<br />
ya Vhavenḓa, muḓini arali ho lovha ṅwana ane miṅwaha yawe ya sa paḓe<br />
miṱanu, u pfi ndi ṅwana wa vhakegulu. Izwo zwa mbo amba uri ndi ṅwana ane<br />
mushumo wawe wa mbulungo a u farwi nga vhathu vha tshinnani u farwa nga<br />
vhathu vha tshisadzini. Mbulungo yo raloho ndi ya vhathu vha si gathi nahone<br />
vha vhathu vha vhakegulu. Tshine tsha ita uri musengulusi a dzhie uyo<br />
muṱalutshedzi sa tshiko 1 ndi tsha uri muthu uyo ndi maine wa vhafumakadzi na<br />
vhana. Na ene a dovha a vha wa tshisadzini. Ṅwana uyo arali hu tshi tshifhinga<br />
tsha musalauno ndi a sa iswiho mavhiḓani.<br />
Musi vha tshi ya phanḓa vha ṱahisa ḽa uri sa izwi tshifhingani tsha kale ho vha hu<br />
si na mimotshara, muthu o vha a tshi ri u lovha, a mbo ḓi vhulungwa na ḽeneḽo<br />
ḓuvha. Kha mbulungo iyo ya ṅwana vha ri vhakegulu ndi vhone vhane vha ita<br />
mushumo woṱhe wa mbulungo. U ya nga ha maitele avho, vha ri na dindi ḽa hone<br />
61
Change language