Create successful ePaper yourself
Turn your PDF publications into a flip-book with our unique Google optimized e-Paper software.
vhibva maine u dzhia iḽa i re na mushonga a ḓa u ḽisa vhathu. Maine u dzhia<br />
haka kana tshitanda tsho vhaḓiwaho zwavhuḓi tsha ita ṱhodzi, a ṱhavha a ṋea<br />
muthu muṅwe na muṅwe. Muthu u ṋekedzwa luvhili. Lwa u thoma muthu u ri u<br />
ṋekedzwa mulomoni, a shenga luthihi a pfela fhasi. Nga lwa vhuvhili a shenga a<br />
konou mila. Marambo oṱhe a kuvhanganyelwa luseloni kana kha mufaro. U ya<br />
nga ha lutendo lwavho, vha ri mufu musi a tshi vhulungwa u vha o ṱuwa na<br />
nguvho fhedzi a si na tshiluvhelo. Zwino-ha, nga maitele ayo, hu vha hu u mu fha<br />
tshiluvhelo.<br />
Mukumba wa iḽa mbudzi ndi wone u shumaho kha u putela aḽa marambo, zwa<br />
konou iswa dindini zwa vhulungwa. Nga lutendo lwavho vha sumbedza uri muya<br />
wa mufu ndi hone u tshi lala ngauri mufu o wana tshiluvhelo. Ndi u ya nga ha<br />
mapfesesele avho khazwo. Fhedzi-ha mapfesesele a vhathu vha musalauno a<br />
fhambana na ayo. Naho arali ha vhuya ha vha na zwi no khou dina, vha vhudzwa<br />
uri zwi khou itiswa nga lugungulo lwa muthu o ṱuwaho e si na tshiluvhelo, vha<br />
nga si vhuye vha lala vho zwi tenda. Vhathu avho uri vha ḽe ṋama yo<br />
ṱanganyiswaho na mishonga, nahone mishonga ya hone vha sa ḓivhi uri yo itwa<br />
nga mini, vha nga si tende na luthihi. Uyo u tou vha muila khavho. Arali vhathu<br />
vhahulwane vha nga vha kombetshedza u ita izwo, i nga vha nndwa khulu.<br />
148