GENGU SAMAN TIL DÓMARA Baugsmálið er umfangsmesta ...

N Ý R E I G A N D I P E N N A N S
KRISTINN
Í PENNANUM
Kristinn Vilbergsson og nokkrir fjárfestar keyptu Pennann í
byrjun sumars af Gunnari Dungal. Kristinn var áður eigandi
dreifingarfyrirtækjanna Vörubíls og Dreifingarmiðstöðvarinnar.
Þau fyrirtæki seldi hann til Pósthússins.
TEXTI: GEIR GUÐSTEINSSON
MYNDIR: GEIR ÓLAFSSON
Um miðjan júnímánuð sl. var Penninn hf. seldur hópi fjárfesta
undir forystu Kristins Vilbergssonar. Eigendahópur
Pennans samanstendur af Kristni, föður hans Vilbergi Vilbergssyni
og félögum í hans eigu, Friðriki Smára Eiríkssyni
og félagi í eigu Þórðar Kolbeinssonar framkvæmdastjóra
DHL á Íslandi, Páls Kolbeinssonar bróður Þórðar, og Ómars Benediktssonar.
Kristinn tók við starfi forstjóra Pennans af Gunnari Dungal,
fyrrum eiganda og forstjóra, en faðir Gunnars stofnaði fyrirtækið
árið 1932. enninn er fimmta stærsta smásölufyrirtæki landsins með
12 verslanir innan sinna vébanda undir nöfnum bókabúðar Máls og
menningar og Pennans Eymundssonar. Kristinn Vilbergsson stofnaði
fyrirtækið Vörubíl og keypti síðar Dreifingarmiðstöðina sem var
í eigu Eddu útgáfu, eins stærsta birgis Pennans.
Kristinn Vilbergsson segir að vegna viðskipta við Pennann hafi
hann þekkt nokkuð til starfseminnar. Þeir félagar seldu svo Vörubíl
og Dreifingarmiðstöðina inn í Pósthúsið en þar eiga þeir fimmtungs
hlut ásamt Frétt og Flugleiðum. Var ákveðið að leita nýrra tækifæra
í viðskiptalífinu og þá kom nafn Pennans fljótlega upp í umræðunni
og hvaða möguleikar væru á að kaupa fyrirtækið. Þá fóru hlutirnir
að gerast nokkuð hratt.
Að sögn Kristins er rekstur Pennans mjög fjölbreyttur. Það sé annars
vegar verslanasvið, sem er landsmönnum öllum þekkt, og hins
vegar starfsemin á fyrirtækjasviði sem er ekki eins sýnileg en ekki
síður stór í sniðum og fyrirtækinu sérlega mikilvæg.
Góður árangur
-Þessa dagana er mikil samkeppni á þessu sviði vegna þess m.a.
að skólar eru að byrja. Alþýðusambandið hefur kannað verðlag
á skólavörum sem væntanlega þýðir að þið þurfið að vera „á
tánum“ og pressa ykkar verð niður að einhverju leyti. Kemur
það niður á arðseminni?
„Eðli smásöluverslunar liggur í að bjóða betri blöndu af verði og
þjónustu en næsta verslun. Samkeppni í þessum geira er ekki ný af
nálinni og við vissum það áður en við tókum við rekstri Pennans.
Reksturinn er í góðu jafnvægi og arðsemin góð. Það er mjög auðvelt
að missa sjónar á langtímamarkmiðum og arðsemi þegar menn eru
í harðri samkeppni og vilja halda eða auka við markaðshlutdeild
sína.
Rekstur Pennans dreifist á margar rekstrareiningar og starfsemin
er víðtæk. Við erum með verslanir sem eru fullkomlega samkeppnisfærar
við verslanir eins og Griffil, þar sem samkeppninni í skólavörum
hefur verið mætt mjög ákveðið. Hins vegar erum við með
Pennaverslanirnar, Eymundsson og Mál og menningu sem bjóða
upp á mikið vöruúrval á gæðavörum á góðu verði. Þetta snýst um
virði vörunnar sem viðskiptavinurinn fær.
68 F R J Á L S V E R S L U N • 7 . T B L . 2 0 0 5