GENGU SAMAN TIL DÓMARA Baugsmálið er umfangsmesta ...

KVIKMYNDIR
TEXTI: HILMAR KARLSSON
TERRY GILLIAM
OG GRIMMSBRÆÐUR
Þegar þessar línur eru skrifaðar er stutt í að nýjasta kvikmynd Terry
Gilliams, Grimmsbræður (The Brothers Grimm), verður frumsýnd,
en sjö ár eru síðan Gilliam sendi frá sér Fear and Lothing in Las
Vegas. Eins og oftast þegar Gilliam á í hlut hefur ekki ríkt mikill vinskapur
á milli hans og þeirra sem borga brúsann. Í þessu tilfelli eru
það bræðurnir Bob og Harvey Weinstein hjá Miramax sem hafa verið
Gilliam erfiðir. Hafa hvað eftir annað stöðvað dreifingu myndarinnar
og heimtað að Gilliam taki til greina þær breytingar sem þeir vilja
gera á myndinni, sem Gilliam hefur að sjálfsögðu neitað. Þeir bræður
höfðu samt í gegn að skipt var um kvikmyndatökumann og einn leikara
meðan á gerð myndarinnar stóð.
Á meðan ríkt hefur stríðsástand um lokaútgáfu á Grimmsbræðrum
hefur Gilliam verið að gera aðra kvikmynd, Tideland, með Jeff
Bridges í aðalhlutverki og nú eru allar líkur á að Grimmsbræður
og Tideland verði frumsýndar nánast samtímis. Kostnaður við gerð
Grimmsbræðra er gefinn upp 85 milljónir dollarar, en kostnaður við
Tideland er ekki nema 15 milljónir dollarar.
Margir mánuður eru síðan Terry Gilliam lauk við Grimmsbræður.
Það er ekkert nýtt fyrir Terry Gilliam að myndir hans séu settar á
biðlista. Hann hefur stundum mátt þakka fyrir að myndir hans væru
teknar til sýningar. Frægt er þegar hann var orðinn óþolinmóður eftir
að meistaraverk hans, Brazil, yrði sýnt. Hann keypti heilsíðu auglýsingu
í New York Times og auglýsti eftir myndinni. Framleiðendur
myndarinnar sem höfðu sett hana í geymslu
urðu fyrir þrýstingi og myndin var sett í dreifingu.
Ekki fór eins vel fyrir The Man Who
Killed Don Quixote, sem Gilliam byrjaði á fyrir
fimm árum. Varð hann fyrir miklum óhöppum,
meðal annars eyðilögðust leikmyndir í stormi. Hætt
var við myndina Gilliam til sárrar skapraunar, en þessi
mynd hafði verið hans draumaverkefni í mörg ár. Um gerð
myndarinnar og þau áföll sem Gilliam varð fyrir, var gerð
heimildarmyndin Lost in La Mancha, áhrifamikil og góð
mynd sem lýsir því hvað gerist þegar allt fer úrskeiðis.
Ævintýrin heilluðu Allir kannast við Grimms-ævintýrin.
Þeir sem eru fullorðnir í dag ólust upp við þessi hugljúfu
ævintýri og var Terry Gilliam engin undantekning: „Ég
hef alltaf verið hrifinn af ævintýrum og finnst allar mínar
74 F R J Á L S V E R S L U N • 7 . T B L . 2 0 0 5
Jacob og William Grimm. Heath Ledger og Mark Damon í hlutverkum
bræðranna.
kvikmyndir vera ólík ævintýri. Og Grimmsævintýrin eru ómissandi
hlekkur í þeim ævintýraheimi sem ég hef skapað fyrir sjálfan mig.
Það var því auðvelt fyrir mig að takast á við þá bræður. Myndin er
ekki bein saga þeirra bræðra heldur eru þeir
felldir inn í ævintýraheiminn. Er lítill vandi að
sjá ýmislegt sem stangast á við raunveruleikann.
Meðal annars er aldur þeirra allt annar í myndinni
og það var ekki fyrr en fyrir nokkrum vikum að ég
tók eftir því að við látum William vera eldri bróðurinn
en Jacob þann yngri. Í raunveruleikanum var
Jacob sá eldri.“
Það eru Matt Damon og Heath Ledger sem leika
Grimmsbræðurna. Þeir ferðast um sveitir Frakklands,
segja sögur og leika töfrabrögð. Ekki er allt eins og
sýnist í sýningum þeirra og þegar stjórnvöld telja
að þeir beiti brellum til að fá fólk til að borga leggja
þeir á flótta. Á flótta þeirra fléttast ævintýri þeirra
inn í söguþráðinn, meðal annars koma Öskubuska,
Hans og Gréta og Rauðhetta við sögu.
Meðal annarra leikara í Grimmsbræðrum
eru Jonathan Pryce, Monica Bellucci, Lena
Monica Bellucci leikur spegladrottninguna
illgjörnu.