GENGU SAMAN TIL DÓMARA Baugsmálið er umfangsmesta ...

FÓLK
Helga Margrét Reykdal
framkvæmdastjóri Truenorth
Þegar Truenorth ehf. var stofnað sumarið 2003 var megintilgangur
félagsins að þjóna erlendum aðilum sem koma til
Íslands til kvikmyndagerðar, vinna að gerð auglýsinga fyrir
íslenskan markað sem og standa að skipulagningu margvíslegra
viðburða („event planing“). Hópurinn sem
stendur á bak við félagið býr yfir víðtækri
og langri reynslu á sviði kvikmyndagerðar.
Auk mín starfa á skrifstofu félagsins Leifur
B. Dagfinnsson, Árni Páll Hansson og Rafnar
Hermannsson,“ segir Helga Margrét Reykdal,
framkvæmdastjóri Tuenorth ehf.
„Allt frá upphafi hefur það verið grundvallarhugsun
að halda yfirbyggingu félagsins í
lágmarki og vinna með besta fagfólkinu sem
völ er á þegar að hinum ýmsu verkefnum
Helga Margrét
Reykdal. „Fátt sem
toppar að fara með
skemmtilegum vinahópi
út fyrir bæjarmörkin
í gleði og
afslöppun.“
kemur. Strax eftir stofnun Truenorth tókum við að okkur að ýta
úr vör framleiðslu Latabæjarþáttanna, fólst það starf í að stýra uppsetningu
á stúdíóinu í Garðabæ, finna alla starfsmenn (bæði erlenda
og innlenda) og þau tæki sem vantaði. Annað stórt verkefni sem
Truenorth hefur tekið að sér er hluti af framleiðslustjórn („line producing“)
á kvikmynd Baltasars Kormáks, A Little Trip to Heaven. Þar
Nafn: Helga Margrét Reykdal
Fæðingarstaður: Reykjavík, 18. 11. 1969
Foreldrar: Jóhannes Reykdal og Birna
Eybjörg Gunnarsdóttir
Maki: ógift
Börn: barnlaus
Menntun: BA í stjórnmálafræði
og fjölmiðlun
að auki höfum við unnið með fyrirtækjum frá Bretlandi, Bandaríkjunum,
Frakklandi, Danmörku og Þýskalandi að auglýsingum, tónlistarmyndböndum
og tískuljósmyndun.
Þessa dagana er ég og samstarfsfólk mitt við önnum kafið vegna
upptöku á kvikmyndinni Flags of our Fathers í leikstjórn Clints
Eastwood en upptökur fara fram bæði í Sandvík og við Arnarfell
en við hjá Truenorth erum þjónustuaðilar þeirra hér á landi. Þetta
er langumfangsmesta verkefni sinnar tegundar sem hefur komið til
Íslands, þar sem hátt í helmingur kvikmyndarinnar er tekinn upp hér
á landi. Flytja þurfti til landsins margvísleg farartæki frá síðari heimsstyrjöldinni
og suma daga hafa verið um 950 manns á tökustað.“
Helga Margrét segir sitt starf felast í umsjón með daglegum
rekstri fyrirtækisins og hafa umsjón með þeim verkefnum sem fyrirtækið
tekur að sér: „Ég tel einn af aðalkostum okkar fyrirtækis
að við gegnum sjálf lykilstöðum í þeim verkefnum sem unnið er að
innan fyrirtækisins. Þessa dagana er ég t.d. það sem er kallað „coordinator“
við Flags of our Fathers.“
Helga Margrét byrjaði snemma að starfa innan fjölmiðlageirans:
Ég skrifaði um popptónlist fyrir Vikuna þegar ég var aðeins 16 ára
og var síðan með þeim fyrstu sem útskrifaðist af fjölmiðlabraut Fjölbrautaskólans
í Breiðholti. Eftir stúdentsprófið starfaði ég um tíma
á DV en á meðan ég stundaði nám við Háskóla Íslands í stjórnmálafræði
og fjölmiðlun villtist ég inn í sjónvarpsbransann og hóf störf
við þáttinn „Í sannleika sagt“ sem sýndur var á RUV en framleiddur
af Sagafilm. Ég var ráðin tímabundið til að vinna við þann þátt en
ílengdist og starfaði þar í 9 ár. Á meðal verkefna sem ég vann að
þar voru stór erlend verkefni á borð við James Bond myndina Die
Another Day. Sumarið 2003 stofnuðum við
Truenorth og höfum haft nóg að gera síðan.
Áhugamál mín eru margvísleg og flest af
klassíska skólanum svo sem útivera, heilsurækt,
tennis, bækur og svo hef ég líka gífurlega
gaman af því að elda góðan mat. Frístundum
eyði ég með fjölskyldu og vinum en
ég tel mig mjög heppna að eiga svona stóran
og skemmtilegan vinahóp og það er fátt sem
toppar það að fara með þeim út fyrir bæjarmörkin
í gleði og afslöppun og því fylgir nær
undantekningalaust skemmtilegar matarveislur þar sem allir hjálpast
að við matseldina.
Vegna annríkis að undanförnu við kvikmyndina Flags of our
Fathers, hef ég ekki ennþá náð að taka mér sumarfrí en það verður
í staðinn farið í gott vetrarfrí þegar þetta er allt afstaðið, hvenær og
hvert verður þá farið kemur bara í ljós með tímanum.“
82 F R J Á L S V E R S L U N • 7 . T B L . 2 0 0 5