GENGU SAMAN TIL DÓMARA Baugsmálið er umfangsmesta ...

N Ý R E I G A N D I P E N N A N S
Húsgagnasvið Pennans er tiltölulega sjálfstætt og
gæti í rauninni verið sérstakt félag en auðvitað er það
mjög sterkt markaðslega að viðskiptavinirnir vita að
Penninn á þetta allt til og að gæðin eru til staðar.“
Mesta verðmætið felst í starfsfólkinu
- Eru gerðar strangar kröfur til starfsfólks Pennans
um þekkingu á vörunni sem það selur eða fer
skólun starfsmanna meira eða minna fram eftir
ráðningu?
„Það kann að hljóma klisjukennt, en stór hluti verðmætis
Pennans felst í starfsfólkinu og það varð
okkur sem keyptum þetta fyrirtæki mjög snemma
ljóst. Starfsaldur lykilstarfsmanna er hár sem staðfestir
að Penninn er góður vinnustaður. Þekking á vörum og þjónustu
Pennans er því í flestum tilvikum mikil. Margir starfsmanna
hafa unnið sig í gegnum fyrirtækið og vaxið í starfi. Það er stefna
Pennans að bjóða starfsfólki upp á tækifæri til þess.
„Þetta fyrsta álagstímabil
hjá Pennanum eftir
að við tókum við hefur
gengið vel og það er
mikilvægt að ná góðum
árangri í hausttörninni
og svo aftur fyrir jólin
en þessi tvö tímabil eru
þau mikilvægustu fyrir
smásöluna hjá okkur.“
Sérhæfing er einnig mikil sem er sannarlega
kostur. Þó við gerum ekki kröfu til þess að allir
lesi allar bækur sem koma t.d. út fyrir jólin þá
hlýtur að vera mjög ánægjulegt fyrir áhugafólk
um bókmenntir að starfa hjá Pennanum.
Starfsmenn fá mikinn stuðning við að vaxa í
starfi, og hér er starfræktur Pennaskóli, sem er
til dæmis ætlað að auka tölvulæsi starfsmanna
og þekkingu á vörum og vöruflokkum sem við
bjóðum upp á. Símenntun er fyrir alla starfsmenn.
Starfsmenn sem sækja endurmenntun hjá
háskólunum fá til þess stuðning okkar enda er
aukin þekking starfsmanna bara jákvæð fyrir fyrirtækið,
gerir starfsfólkið víðsýnna og hæfara til þess að takast á við
ýmislegt sem það þarf að afgreiða hér.“
- Það hljóta að vera aðrar kröfur og önnur sýn hjá fyrirtækjum
en einstaklingum og kannski þarf fyrirtækið að vera meira vakandi
yfir því að bjóða það nýjasta sem er á markaðnum erlendis
á hverjum tíma?
„Hér er fylgst mjög vel með allri þeirri þróun sem á sér stað, og það
í öllum þeim vöruflokkum sem Penninn býður. Stundum er vöruúrvalið
kannski helst til mikið vegna þess að því fylgir kostnaður að
liggja með stóran lager. Kannski fer um 90% af veltunni gegnum 40%
vörunúmeranna en metnaður okkar liggur ekki síst í vöruúrvali.“
Penninn hefur stækkunarmöguleika
- Það er stundum sagt að nýir vendir sópi best. Má búast við
breytingum á rekstri Pennans?
„Við vissum að við vorum að kaupa félag í góðum rekstri og á
fleygiferð svo það þurfti ekki að taka mikið til í rekstrinum. Stefnumótun
er unnin út frá langtímamarkmiðum og við erum með ýmsar
hugmyndir sem við hyggjumst hrinda í framkvæmd. En þær verða
unnar á þeim grunni fagmennsku, trausts og yfirvegunar sem einkennt
hefur Pennann. En það er ljóst að við teljum Pennann eiga
inni stækkunarmöguleika.
Markaðssetningin í framtíðinni mun að einhverju leyti snúa að
þeim sem við teljum að við getum náð betur til, og á einhverjum
sviðum hefur reksturinn ekki gengið nægjanlega vel. Því þarf að
breyta.
Það er viss ögrun að vera leiðandi á markaðnum og auðvelt að
missa fókusinn í þeirri stöðu. Allir hinir aðilarnir á markaðnum bera
sig saman við okkur og reyna að sigra okkur. Þetta er svolítið eins og
að vera Íslandsmeistari í fótbolta. Það leggja öll liðin sig 120% fram
við að sigra helsta keppinautinn.“
Kristinn Vilbergsson nýtir þær frístundir sem gefast m.a. til að
spila körfubolta og hlaupa en fyrr á árum spilaði hann körfubolta
með KR og spilar nú fótbolta með ungmennafélaginu Rögnunni í
Reykjavík. Áhugi á lax- og silungsveiði hefur farið vaxandi síðustu
ár.
70 F R J Á L S V E R S L U N • 7 . T B L . 2 0 0 5