EU-SWAP PËR ARSIMIN - EU EDUCATION SWAp Project

EuropeAid/127858/D/SER/KOS Mbështetje në implementimin e qasjes tërë sektoriale në arsim në Kosovë
• Themelimi i një grupi punues për monitorimin e implementimit të KKK‐së dhe koordinimin e
punëve të donatorëve.
• Zhvillimi i një sistemi për sigurimin e cilësisë në nivel kombëtar, komunal dhe shkollor.
Qëllimet kryesore të Komponentit 3 janë freskimi dhe zhvillimi i Profilit të Kompetencave të
Mësimdhënësve, freskimi i katalogut për trajnimin e mësimdhënësve, si dhe forcimi i
kapaciteteve për zhvillimin e politikave dhe trajnimin e mësimdhënësve për të ofruar përmirësim
të cilësisë në arsimin fillor dhe të mesëm brenda një kornize kombëtare për trajnimin dhe
licencimin e mësimdhënësve. Ekipi i projektit vëren se pritet një mbështetje e mëtejme nga IPA
2009 për krijimin e një sistemi gjithëpërfshirës të trajnimit të mësimdhënësve dhe drejtorëve pa
shkëputje nga puna. Qëllimi i projektit të IPA 2009 Education për Trajnimin e Mësimdhënësve
është ‘përforcimi dhe përmirësimi i cilësisë së arsimit përmes zhvillimit të një sistemi të
qëndrueshëm gjithëpërfshirës për trajnimin e mësimdhënësve pa shkëputje nga puna si dhe
trajnimin e drejtorëve të shkollave me qëllim të përmirësimit të kapaciteteve menaxhuese në
nivel lokal dhe shkollor’. Projekti do t’i koordinojë aktivitetet e tij me këtë projekt të IPA 2009
derisa shfaqen detaje të mëtejshme për kohën dhe përmbajtjen e tij. Ai pritet që të fillojë
përafërsisht kah mesi i vitit 2011, e deri në atë kohë nevojat momentale dhe të ardhshme të
sistemit për trajnimin e mësimdhënësve do të jenë më të dukshme.
Ekipi i Projektit të BE‐së tanimë është pajtuar në parim me KSHLM‐në për fushat në të cilat
projekti mund ta ndihmojë atë, në kuptim të ekspertizës teknike afatgjatë dhe afatshkurta dhe
në aktivitetet trajnuese, dhe në përmbushjen e objektivave të përcaktuara në PiD. Këto fusha
janë:
• Mbështetje në zhvillimin e standardeve të mësimdhënësve dhe sistemit të kredive (në
bashkëpunim me Bankën Botërore IDEP)
• Ndihmë MASHT‐it në zhvillimin e ‘katalogut’ të trajnimeve të mësimdhënësve pa shkëputje
nga puna (në pajtim me kornizën e re të kurrikulit)
• Pilotimi i një sistemi për vlerësimin e përformances së mësimdhënësve në bashkëpunim me
Bankën Botërore IDEP (portfoliot, vetvlerësimi, vlerësimi i përbashkët, të arriturat e
nxënësve, e kështu me radhë)
• Trajnimi i drejtorëve të shkollave dhe stafit të drejtorive komunale të arsimit për analizimin e
nevojave për mbikëqyrjen e mësimit, për mentorim dhe trajnim (si pjesë e planit zhvillimor
të shkollës)
• Ndihmë MASHT‐it në koordinimin e Trajnimit Fillestar të Mësimdhënësve dhe Trajnimit të
Mësimdhënësve pa shkëputje nga puna (në lidhje me kornizën e re të kurrikulit).
Siç është përmendur më lartë, IDEP (BB) tanimë ka bërë intervenime substanciale në fushat e
mbuluara nga PiD për Komponentin 3, veçanërisht në lidhje me licencimin e mësimdhënësve,
procedurat për vlerësimin e performancës së mësimdhënësve dhe akreditimin e ofruesve të
trajnimeve për mësimdhënës. Projekti i BE‐së do të fokusohet në Katalogun e Trajnimit të
Mësimdhënësve dhe do të sigurojë se ai reflekton plotësisht implikimet e KKK‐së së re në lidhje
me trajnimin e mësimdhënësve dhe me praktikën në klasë. Ai gjithashtu do të kontribuojë në
zhvillimin e kapaciteteve të KSHLM‐së dhe Njësisë për Trajnimin e Mësimdhënësve (NTM) të
MASHT‐it për zhvillimin dhe menaxhimin e një sistemi të qëndrueshëm të trajnimit të
mësimdhënësve pa shkëputje nga puna, duke marrë parasysh çdo intervenim të planifikuar nga
Banka Botërore IDEP dhe GTZ‐ja. Projekti i BE‐së gjithashtu do të mbështesë ndërtimin e
kapaciteteve të Institucioneve të Arsimit të Lartë që punojnë në fushën e trajnimit të
mësimdhënësve pa shkëputje nga puna dhe zhvillimin e një sistemi të koordinuar për
monitorimin e programeve për trajnimin e mësimdhënësve dhe të përformancës në Kosovë.
5