EU-SWAP PËR ARSIMIN - EU EDUCATION SWAp Project

EuropeAid/127858/D/SER/KOS Mbështetje në implementimin e qasjes tërë sektoriale në arsim në Kosovë
Komponenti 3 zhvillimi i mësimdhënësve
Qëllimet kryesore të Komponentit 3 janë freskimi dhe zhvillimi i Profilit të Kompetencave të
Mësimdhënësve, freskimi i katalogut të trajnimit të mësimdhënësve, si dhe ndërtimi i kapaciteteve
për zhvillimin e politikave dhe ofrimin e shërbimeve trajnuese për mësimdhënës për të promovuar
përmirësime cilësore në arsimin fillor dhe të mesëm brenda një kornize për trajnimin dhe licencimin
e mësimdhënësve. Ekipi i projektit vëren se mbështetje e mëtejshme që synon vazhdimin e një
sistemi gjithpërfshirës të trajnimit të mësimdhënësve pa shkëputje nga puna dhe të drejtorëve të
shkollave pritet përmes IPA 2009. Qëllimi i projektit është ‘të përforcojë dhe përmirësojë cilësinë e
arsimit përmes zhvillimit të një sistemi gjithpërfshirës të trajnimit të mësimdhënësve pa shkëputje
nga puna si dhe trajnimin e drejtorëve të shkollave për të përmirësuar kapacitetet menaxhuese në
nivel komunal she shkollor’. Projekti do t’i koordinojë aktivitetet me këtë program me daljen e më
shumë detajeve për kohën dhe përbajtjen e tij. Pritet se ai do të fillojë përafërsisht kah mesi i vitit
2011, deri athere nevojat periodike dhe ato të ardhëshme për zhvillimin e mësimdhënësve do të jenë
më të dukshme.
Siç është treguar më lart, IDEP (BB) tanimë ka bërë disa intervenime substanciale në fushat e
mbuluara nga PiD për këtë Component, veçanërisht në kuptim të licencimit të mësimdhënësve,
procedurave për vlerësimin e përformancës së mësimdhënësve dhe akreditimin e ofruesve të
shërbimeve trajnuese. Për këtë arsye Projekti i BE‐së do të fokusohet në Katalogun për Trajnimin e
Mësimdhënësve (shih Aktivitetin 3.6 më poshtë) dhe do të sigurojë se ai plotësisht reflekton
implikimet e KKK‐së së re për trajnimin e mësimdhënësve dhe praktikën në klasë.
IDEP gjithashtu është duke mbështetur zhvillimin e mëtejm të softuerit të departamentit të MASHT‐it
për SMIA dhe u janë shpërndarë kompjuter DKA‐ve në vitin 2009. Projekti i BE‐së do të mbajë
kontakt me IDEP‐in për të ndihmuar në ndikimin potencial të këtij intervenimi për grumbullimin e
analizave dhe të dhënave të specifikuara në nivelin menaxhues të shkollës në lidhje me planin
zhvillimor të shkollës, integrimin gjinor dhe gjithpërfshirjen.
Projekti i BE‐së gjithashtu do të marrë parasysh projektin aktual Tempus IV në Universitetin e
Prishtinës, i cili përfundon në Dhjetor 2010. Ky synon të ofrojë baza për riplanifikimin e programeve
për aftësimin e mësimdhënësve para shërbimit përmes Programeve për Studime Master në Arsim.
Ngjashëm, Projekti i BE‐së do të bashkëpunoj me homologët nga KiE në kuptim të intervenimeve të
tyre në institucionet e arsimit të lartë dhe të përgatitjes dhe trajnimit të mësimdhënësve të
komuniteteve jo shumicë.
Projekti i BE‐së gjithashtu do të bashkëpunoj ngusht me Fakultetin e Edukimit dhe anëtarët e stafit të
Institutit Pedagogjik (IPK) në lidhje me implementimin e KKK‐së dhe rolet e tyre aktuale dhe të
ardhëshme.
Raporti i USAID‐it Vlerësimi i arsimit Bazik/Arsimit Para universitar në Kosovë (Korrik 2009) vuri në
dukje se Universiteti i Prshtinës ‘mund të shërbehej më mirë nga një Fakultet i Edukimit që bashkon
instruksionet për mësimdhënësit e të githa niveleve, prej atyre parashkollor deri te ata të shkollës së
mesme të lartë. Mësimdhënësit parashkollor dhe fillor mund të fokusojnë pjesën më të madhe të
pergatitjes së tyre brenda Fakultetit të Edukimit, ndërsa mësimdhënësit e arsimit të mesëm të lartë
do ta kompletojnë një shkallë akademike në një fakultet akademik përkatës, si dhe do të bëjnë punë
shtesë në kurse për arsimin e përgjithshëm, metodologjinë dhe praktikën në klasë. Numri i kurseve të
arsimit të përgjithshëm duhet të rritet, dhe numri i orëve praktike duhet të përputhet me kërkesat e
mësimdhënësve të nivelit fillor. Kurse për udhëzime të integruara dhe për mësimdhënie
50