EU-SWAP PËR ARSIMIN - EU EDUCATION SWAp Project

EuropeAid/127858/D/SER/KOS Mbështetje në implementimin e qasjes tërë sektoriale në arsim në Kosovë
të punojë me autoritetet lokale për të ndërtuar kapacitetet për planifikim dhe implementim në
perspektivë të qasjes tërë sektoriale.
Qasja Tërë Sektoriale SWAp
Në këtë kontekst, aplikimi i qasjes tërë sektoriale duket të jetë esencial. Në vitin 2008 MASHT‐i dhe
SIDA bënë një Feasibility Stydy për Adaptimin e një Qasje Tërë Sektoriale në sektorin e arsimit të
Kosovës. Pas analizimit të politikave dhe praktikave të sektorit, ekipi ndërkombëtar i Institutit Suedez
të Administratës Lokale (SIPU) zhvilloi një Udhërrëfyes për Përmirësimin e Përformancës dhe
Efektivitetit të Ndihmave në Sektorin e Arsimit (2008), e cila është njohur si një nga dokumentet
udhëzuese kryesore për zhvillimin e mëtejmë të arsimit në Kosovë. Udhërrëfyesi, mes tjerash,
parasheh zhvillimin e një plani strategjik të sektorit, koordinim më të mirë të donatorëve, planifikim
dhe shfrytëzim më të mirë të asistencës teknike, ndërtimin e kapaciteteve në planifikim dhe financa e
kështu me radhë.
Në Qershor të vitit 2008 në seminarin e fundit të organizuar nga MASHT‐i dhe SIDA për prezantimin e
Udhërrëfyesit, partnerët donatorë u ftuan që të përkushtohen në mbështetje të implementimit të
Udhërrëfyesit. ECLO‐ja dhe Banka Botërore ishin mes partnerëve të parë donatorë që u përgjigjën
dhe premtuan gjatë seminarit se do ta mbështesin procesin e filluar.
Premtimi i SIDA‐s për ta ndjekur këtë proces mori formën e Projektit të SIDA‐s Programi për
Ndërtimin e Kapaciteteve dhe Reformimin e Arsimit 2009‐2010 (CBERP) të filluar në Korrik 2009 i cili
specifikoi një numër objektivash dhe rezultatesh për themelimin e SWAp‐it. Ekzistojnë paralele që
takohen në mes CBERP‐së dhe projektit të BE‐së, veçanërisht në Komponentin 1, të cilat plotësisht
janë marr parasysh në rishikimin e aktiviteteve të mëvonshme, me qëllim të shmangies së
dyfishimeve dhe mbulimeve, dhe për të optimizuar ndikimin që mundë të rezultojë nga puna
plotësuese në mes dy projekteve. Marrëdhëniet mes dy projekteve janë përshkruar detajisht në
Seksionin 4, Plani i Detajuar i Operimeve.
Koordinimi
Duke pasur parasysh gamen e gjerë të aktiviteteve të filluara në të gjithë nën sektorët e arsimit dhe
numrin e partnerëve zhvillimorë që mbështesin segmente të ndryshme të sistemit të arsimit,
bashkëpunimi me Njësinë e MASHT‐it për Planifikim dhe koordinimi me donatorët e tjerë është njëra
nga detyrat kryesore të këtij projekti. Analizimi i hartës së donatorëve në Udhërrëfyes dhe kontaktet
e fundit me partnerët zhvillimor/donator (duke përfshirë punëtorinë e përbashkët të CBERP‐së dhe
Projektit EU SWAp të mbajtur më 24 Nëntor 2009) tregon potencialin e madh për lidhjen dhe
maksimizimin e intervenimeve të ndryshme. Ekzistojnë mbulime të dukshme në mes të
intervenimeve dhe/ose mbështetjeve të Bankës Botërore, UNICEF, CBERP, GTZ për arsimin e
përgjithshëm, dhe Projektit EU SWAp.
Për Këtë arsye, ky raport nismëtar është bazuar në PiD, por gjithashtu edhe në një vlerësim të
kujdesshëm të situatës dhe ndryshimeve që kanë ndodhur gjatë 18 muajve të fundit, me qëllim që të
ofrohet ndikimi maksimal i të gjithë partnerëve në proces. Projekti tanimë ka krijuar marrëdhënie të
mira me një numër të donatorëve që punojnë në sektor dhe pret të formojë partneritete të
fuqishme, për të lehtësuar koordinimin, për të ndarë informacionet dhe për të arritur në një
kuptueshmëri dhe pasqyrë të qartë të intervenimeve të donatorëve. Ekziston një nevojë e madhe për
mbështetjen e autoriteteve qendrore dhe lokale, por gjithashtu edhe institucione të ndryshme prej
këshillave shtetërore deri tek shkollat në përmbushjen e misionit të tyre për ofrimin e shërbimeve
më të mirë të mundshëm për fëmijët dhe të rinjtë e këtij vendi.
Takimet e periudhës nismëtare
10