EU-SWAP PËR ARSIMIN - EU EDUCATION SWAp Project

EuropeAid/127858/D/SER/KOS Mbështetje në implementimin e qasjes tërë sektoriale në arsim në Kosovë
3. PËRMBLEDHJE E PROJEKTIT
3.1. Objektivi i përgjithshëm (PiD)
Objektivi i përgjithshëm i këtij projekti është “ta mbështesë Qeverinë e Kosovës në përmirësimin e
cilësisë dhe efikasitetit të arsimin dhe shërbimeve të trajnimit, veçanërisht në arsimin
parauniversitar, në perspektivë të mësimit gjatë gjithë jetës dhe të punësueshmërisë, në pajtim me
marrëveshjen për qasjen tërë sektoriale në arsim (SWAp), dhe në pajtim me standardet e BE‐së.
3.2 Qëllimet e Projektit (PiD)
“T’i ofrojë mbështetje Ministrisë së Arsimit, Shkencës dhe Teknologjisë (MASHT) përmes asistencës
teknike me qëllim që:
Të përforcojë dhe të ndërtojë kapacitete brenda MASHT‐it për ta menaxhuar sektorin e arsimit, me
mbështetjen e koordinuar të partnerëve donatorë, dhe për të parashikuar me efektivitet financimin e
sektorit të arsimit si dhe për të monitoruar progresin e implementimit të strategjive të sektorit të
arsimit. (Komponenti 1).
Të rishikojë dhe të zhvillojë më tej draftin e Kornizës së Kurrikulit Kombëtar duke përfshirë ndërtimin e
kapaciteteve dhe trajnimin e zhvilluesve të Kurrikulit dhe faktorëve tjerë relevant që nevojiten për
zhvillimin efektiv dhe implementimin e Kurrikulit të ri. Mbështetja përfshin masa që promovojnë
përfshirjen e minoriteteve në arsim përmes zhvillimit të kurrikulit. (Komponenti 2).
Të rishikojë dhe ta zhvillojë më tej Profilin e Kompetencave të Mësimdhënësve dhe katalogun e
trajnimeve për mësimdhënës, si dhe të ndërtojë kapacitete për zhvillimin e politikave të trajnimeve të
mësimdhënësve me qëllim të përmirësimit të cilësisë së arsimit fillorë dhe të mesëm në Kosovë.
(Komponenti 3).
3.3. Rezultatet e planifikuara (PiD)
Rezultatet për secilin komponent janë detajuar në PiD dhe janë adresuar në këtë raport në Seksionin
4 më poshtë. Rezultatet/të arriturat kryesore specifike të projektit sipas komponentëve janë si vijon:
Komponenti 1
• Themelimi i grupit punues ndër departamental
• Strategjitë e arsimit të afatizuara, aranzhimet monitoruese dhe kohore duke përfshirë raporte të
rregullta dhe sistematike të progresit
• Themelimi dhe mirëmbajtja e strukturës gjithëpërfshirëse të SWAp‐it, duke përfshirë Grupin
Punues të SWAp‐it, Sekretariatin e SWAp‐it, Forumin e Akterëve të SWAp‐it
• Përgatitja, fillimi dhe mbështetja e Rishikimeve të Përbashkëta Vjetore
• Rishikimi i kërkesave për instrumentin softuerik për planifikim financiar, dizajnimi dhe përdorimi i
tij
• Mbështetja e organizimit dhe implementimit të Punëtorive Vjetore për Planifikim të Buxhetit
12