You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Јин-Јанг<br />
РУБЕНС МУРАТОВСКИ, АКТЕР<br />
ДЕНЕС РОМЕО И ЈУЛИЈА<br />
БИ ЗАВРШИЛЕ УШТЕ<br />
ПОЛОШО<br />
Се плашам од тоа дали ќе успеам да ги<br />
воспитам своите деца правилно<br />
АЈ: Театарот ми е лек за...<br />
РМ: За болката што ја нанесува светот во кој живееме. Театарот е<br />
бегство од ужасната реалност, барем накратко. Воедно и лек за<br />
сите мои фрустрации.<br />
АЈ: Улога во која најмногу се пронајдов?<br />
РМ: Во ниту една од актерските улоги колку во улогата да бидам<br />
тате на Григор и Дамјан. Сè друго е ветер и магла без моите деца.<br />
АЈ: Како мал сакав да личам на...<br />
РМ: На Сајмон Ле Бон од „Дјуран Дјуран“.<br />
АЈ: Во погрешно време и погрешно место се...<br />
РМ: Сите добри луѓе што се принудени да живеат во свет лишен<br />
од добрина, чесност и емпатија.<br />
АЈ: Денешен современ Ромео на Jулија би ѝ рекол...<br />
РМ: Истото. Светот не е сменет. Само е станат полош. Денес<br />
Ромео и Јулија би завршиле уште полошо.<br />
АЈ: Се плашам од?<br />
РМ: Се плашам од тоа дали ќе успеам да си ги воспитам своите<br />
деца правилно. Засега единственото нешто на кое ги учам е да<br />
бидат среќни.<br />
АЈ: Филм кој би го гледал десет пати?<br />
РМ: „Пеколен портокал“ и „Одисеја 2001“ од Кјубрик.<br />
АЈ: На Дон Жуан би му рекол...<br />
РМ: Зошто јас да му речам? Нека ми рече тој нешто...<br />
АЈ: Кои недоследности тешко ги поднесуваш кај луѓето?<br />
РМ: Лицемерие, злоба и немање сочувство кон останатите.<br />
АЈ: Најголема слабост ми е?<br />
РМ: Не смеам да ја кажам. Може да биде искористена против<br />
мене некогаш.<br />
АЈ: Ако трезорот е важен, тогаш човечкиот живот не е! Колку<br />
вреди човекот денес?<br />
РМ: Не вреди. За жал! Затоа предлагам да пронајдеме друга<br />
планета на која одново ќе започнеме. Како Колумбо на<br />
Крлежа што барал нов свет во постојана потрага во убавото и<br />
вистинското.<br />
АЈ: Слобода е?<br />
РМ: Бел лист хартија на кој можам да нацртам што сакам.<br />
АЈ: Во Скопје ме нервира...<br />
РМ: Во Скопје ме нервираат некултурните шофери,<br />
непочитувањето на пешаците, велосипедистите, нестоењето на<br />
крајната десна страна од елеваторите...<br />
АЈ: Што значи да се остане достоинствен?<br />
РМ: Да го одржуваш зборот. Да ја разбираш разликата помеѓу<br />
доброто и лошото.<br />
АЈ: Споменик би им изградил на...<br />
РМ: На луѓето.<br />
АЈ: Дали убавината е гратис влезница или хендикеп за<br />
докажување на интелектот?<br />
РМ: Веројатно по малку и од едното и од другото. Инаку, јас ја<br />
сакам убавината.<br />
АЈ: На Мујо и Хасо би им рекол?<br />
РМ: Смешни сте.<br />
АЈ: Светот го гледам со розови очила кога...<br />
РМ: Кога се смеат Григор и Дамјан.<br />
АЈ: За десет години се гледам како...<br />
РМ: Се надевам попаметен. И исто олку убав. (се смее)<br />
Фотографија: Жарко Чулиќ<br />
125