Create successful ePaper yourself
Turn your PDF publications into a flip-book with our unique Google optimized e-Paper software.
Портрет aктивизам<br />
М-р Јасминка Ван дер Флиер,<br />
доктор по ветеринарна медицина (ДВМ)<br />
„Бездомните животни<br />
се дел од нашата<br />
средина“<br />
Фотографија: Жарко Чулиќ<br />
Односот кон бездомните животни на граѓаните е<br />
многу сложено прашање. Се радувам што со текот на<br />
годините, полека но сигурно, се менува во позитива,<br />
а сепак, и покрај тоа, бројот на бездомните животни останува<br />
ист. За да се дојде до намалување на бројот потребни се<br />
многу поврзани активности помеѓу граѓаните и државните<br />
институции. Ако не се направи координација помеѓу нив,<br />
сè што се прави и од двете страни е како капка вода во<br />
море. Односот кон животните се менува како резултат на<br />
социјалните мрежи, спроведените кампањи од здруженијата<br />
за заштита на животните. Тоа има позитивен одѕив, особено<br />
кај младата популација, додека старата популација сè уште<br />
е на ставот дека местото на животните не е за во урбани<br />
средини и дека се тоа „само животни“. Се зголемува и<br />
бројот на активисти за правата на бездомните животни, но<br />
проблемот не можат да го решат само активистите и некоја<br />
донација, бидејќи чини многу. Потребни се финансиски<br />
средства и организираност. Градот Скопје направи еден<br />
чекор напред со изградбата на стационарот за бездомни<br />
животни „Вардариште“, ама со тоа не се реши проблемот, а<br />
не може да се реши ако не се опфатени и граѓаните, особено<br />
сопствениците на милениците. За решение на проблемот<br />
потребно е почитување на законските акти, што се донесени<br />
со Законот за заштита и благосостојба на животните и<br />
Законот за здравствена заштита на животните, а дефинирани<br />
се и казнените одредби за непочитување. За да се заокружи<br />
целиот процес и да има позитивни резултати потребно е да<br />
се воспостави и полиција за заштита на животните. Само<br />
тогаш ќе функционира кругот сопственици, активисти,<br />
здруженија за заштита на животните, полиција за заштита<br />
на животните, Агенцијата за храна и ветеринарство со<br />
ветеринарните инспектори, кои се последни во низата. Јас го<br />
посветив мојот живот на животните, тие се мојата професија<br />
и дел од моето секојдневие и се залагам за заштитата на<br />
бездомните животни. Во 2016 година од општина Карпош<br />
беа доделени средства за мој проект преку Здружението<br />
за заштита на животни „Феникс Петс“ за стерилизација<br />
на 120 мачки, а проектот ќе продолжи и годинава. Јас бев<br />
единствен ветеринар кој излезе на терен во Стајковци кога<br />
беа поплавите, па потоа заедно со ДВМ Тони Кондарко<br />
спроведовме и бесплатна вакцинација против беснило. Во<br />
моментот спроведувам акција за стерилизација на бездомни<br />
мачки и кучиња. Секогаш апелирам да се направи навремена<br />
стерилизација и кастрација, за намалување на бројката и<br />
за подобрување на здравјето на бездомните животни. Не<br />
можам да кажам дека одѕивот е добар, но се зголемува. За<br />
бездомните животни секогаш имам посебни цени, затоа што<br />
за нив секогаш плаќаат активисти од својот џеб. И покрај<br />
големиот напор од нивна страна, тоа е само незначителен<br />
број, иако тие се неверојатна група луѓе, со големо срце, кои<br />
и последниот денар ќе го дадат за животните. И особено<br />
сега, во овие тешки временски услови, тие прават и повеќе<br />
отколку што можат. Бездомните животни се дел од нашата<br />
средина и треба сите да се потрудиме да им се помогне со<br />
храна, со топол дом и љубов.<br />
31
Change language