Create successful ePaper yourself
Turn your PDF publications into a flip-book with our unique Google optimized e-Paper software.
Изглед – Да не се лажеме Македонките се преубави жени. За сите важни настани во својот живот<br />
Македонките не штедат за фризер. Но затоа на пример не ги интересираат многу третмани за заштита<br />
на влакното или подобрување на квалитетот на косата. Кога фризерот ќе ѝ ја згреши бојата на коса, таа<br />
е спремна уште два пати да се префарба веднаш, само вечерта да ја има саканата нијанса. Па макар и<br />
после тоа косата да ѝ е за една употреба. Секоја Македонка што држи до себе вежба и сака да е слаба.<br />
Или барем секоја недела има по една нова слика на социјалните мрежи од теретана и една од Водно.<br />
Сака да купува скапи шминки. Но на козметичар не ѝ се оди зошто ќе ѝ го направат лицето партали. А и<br />
секоја има сестра или другарка што се разбира во тие работи и ѝ го прави лицето партали без пари. Секоја<br />
Македонка што сака да е светска женска ја има прележано фазата солариум. Редовно си прави гел нокти,<br />
и уредно ги објавува на социјалните мрежи. Боите на ноктите се сезонски. Летно време дречливи, преку<br />
зима црвени или бордо, кога знае дека треба подолго да ѝ трае „nude“. За специјални пригоди „French“<br />
или со декорација.<br />
Лоши навики – Скоро секоја Македонка пуши цигари, или пушела во некоја своја фаза. Таа пие турско кафе<br />
на гладно, јаде ѓеврек со сланина после град. Оди на забар кога е пред онесвестување од болка. Кога сака<br />
убаво да изгледа не ѝ е гајле кое годишно време е, и дали ќе добие цистит или ќе си ги настине јајниците.<br />
На одмор игра карти во мокар костим за капење, само затоа што тој најдобро ѝ стои. Држи непроверени<br />
диети препишани од интернет, и купува сомнителни замени за оброк. Со родителите кога е лута дискутира<br />
за мааните на нејзиниот партнер. Кога ќе се смири и е среќна со него, се чуди зошто нејзините не го сакаат.<br />
Ставови – Секоја Македонка има став скоро за сѐ и секого, па така би се заклучило дека е општествено<br />
одговорна и освестена. Или барем така сака да се претставува во секоја прилика. Таа знае дека ако сака<br />
да има добра иднина мора да заврши факултет и да ја прифати првата работа што ќе ја најде без разлика<br />
дали е во склад со нејзината професионална определба. Живее со родителите додека не се омажи. Кога<br />
ќе заглави во град преспива кај другарка или дечко, за да не ја видат комшиите кога стануваат за работа.<br />
Му префрла на партнерот дека не ја посакува и дека ако вистински ја сака, ќе се снајде за место, каде што<br />
ќе можат да водат љубов. Секоја Македонка ја исмејува Ким К. во друштво, и коментира дека е јасно како<br />
и зошто станала славна, а навечер после град си гледа „Keeping up with the Kardashians“ и си нарачува<br />
„Kylie“ шминки. Скоро секоја Македонка знае дека мора да оди на редовни контроли на гинеколог. Обично<br />
оди кога има тешка инфекција или кога треба да роди дете. Секоја Македонка знае дека не смее да остави<br />
да зависи од сопругот и дека мора да има свои пари. Често делот со свои пари го завршува со барање од<br />
тато и мама. Знае дека треба да се бори за своите права во оваа држава. Голта кнедла кога советува друга<br />
Македонка да си ќути и да си ги гледа децата, зашто мораат да растат со татко, и да не ги умре нејзините.<br />
Негативни карактеристики – Скоро секоја Македонка се става себеси во втор план. До 30-тата година<br />
внимава да не ги разочара родителите, над 30-тата децата. Таа има голем потенцијал, но ако сопругот<br />
мисли дека подобро е да ги чува децата, зашто тој добро заработува, ќе го прифати тоа веднаш. Таа<br />
би била одличен менаџер, навикната секој месец да прави чуда со семејниот буџет. Таа нема да даде<br />
отказ во глупавата фирма, ќе му помогне на безобразниот газда, да ѝ зголемува работни саати и обврски.<br />
Неплатени, се разбира. Скоро секоја Македонка во себе крие подобра верзија од себе, што чека... Чека да<br />
се фрлат маските, да го стави своето срце во оклоп, што ќе и го брани од осуда и лажен морал. Секоја од<br />
нас е тажна барем за една работа што не ја направила, зашто немала храброст.<br />
Позитивни карактеристики – Ако си странец и се вљубиш во Македонка, нема да ти биде јасно зошто веднаш<br />
на Фејсбук, ќе те add-нат уште 10 други Македонки. Тоа е нејзината база, нејзината банда. И ќе ти го демнат<br />
профилот, и ќе ги прочитаат сите коментари од 2009 година и ќе ги гледаат профилите на сите девојки што<br />
ги имаш кај тебе на слики. Ако зезнеш Македонка од кај и да си, го губиш цело ваше друштво. Колку и да ти<br />
се блиски момците од друштвото, за неколку месеци ќе треба да си бараш ново друштво. Тоа е така зошто<br />
Македонките се лојални. Ова е ретка почва каде сѐ уште постојат другарки од детство. Македонките имаат<br />
меко срце, полни се со љубов за своите деца, за своите сестри и браќа, совршени ќерки на татко и мајка.<br />
Добри и вредни сопруги, баш треба да си гад, на Македонка да ѝ дојдеш преку глава. Најважно од сѐ во<br />
скоро секоја Македонка лежи добар човек. Таа ќе ја оговара комшиката дека не знае да готви, ама затоа<br />
цел викенд ќе ѝ ги чува децата како да се нејзини. Ќе бега од роднини кога случајно ќе ги сретне во маркет,<br />
па нема да спие цела ноќ, ама ќе седи цела ноќ да помага кога некој од нив ќе прави свадба или матура.<br />
Неа можеш да ѝ се јавиш секогаш кога ти е тешко, без да ти каже „Sorry I can't talk right now“.<br />
Не знам какви се вашите Македонки. Моите се вакви... Неоткриени, несовршени и несвесни за својата<br />
убавина.<br />
*Текстот не е лекториран со цел да се задржи автентичноста<br />
19