AA REISIGER HERFS 2021

Great Wall Steed 5
Renault Kwid
10
Willem Groenewald, uitvoerende
hoof van die AA Suid-Afrika, sê: “Ek
stem saam met Ale en David dat hierdie
resultate kommerwekkend is. Sedert
die #SaferCarsforAfrica-program in
2017 van stapel gestuur is, het ons 'n
beroep gedoen op ons regering om die
veiligheidstandaarde van die bedryf te
verbeter. Hierdie uitslae bevestig weer
die dringendheid daarvan. Ons kan
eenvoudig nie langer onveilige motors
op ons paaie hê nie.
“Ons het met die Nasionale Reguleerder
van Verpligte Standaarde gesels
en die bewyse is ooglopend. Ons is
gretig om verandering in hierdie verband
te sien. Optrede is dringend nodig, want
dit gaan oor die beskerming van Suid-
Afrikaanse burgers.”
Great Wall Steed 5
Bakkies, wat soms "pick-ups" genoem
word, is 'n gewilde voertuigsegment in
Suid-Afrika. Ná die 2018-toets van die
Nissan NP300 Hardbody, het Global
NCAP die Great Wall Steed 5 gekies
vir toetse. Die Steed 5 ding mee (wat
prys betref) met die Nissan in die
bakkiekategorie.
Die Steed 5 is in sy basiese weergawe,
wat nie lugsakke het nie, getoets.
Die lesings vir die bestuurderpop was
rooi vir die kop en bruin vir die bors en
nek, wat dui op swak beskerming vir die
kop, nek en bors. Dit is kritiese areas. Die
struktuur sowel as die voet-area was
onstabiel.
Die frommeling van die kajuit en
die beweging van die stuurkolom het
vrae laat ontstaan of 'n lugsak ernstige
beserings aan die bestuurder sou kon
voorkom.
Die vervaardiger het besluit om nie
'n kinderbeperkingstelsel vir die toets
aan te beveel nie. Daarom is nul punte
toegeken vir die kinderinsittendeevaluering.
Die pop wat 'n driejarige simboliseer
het gebreek tydens die toets weens
die swak kinderbeperkingstelsel. Die
Steed 5 het nie Isofix-ankerpunte vir
die kindersitplek agter nie en het ook
nie driepunt-sitplekgordels vir die
passasiers in die ander sitplekke nie.
Renault Kwid
Die Renault Kwid is deur Global
NCAP getoets toe dit in 2016 in Indië
bekendgestel is en die struktuur is
sedertdien nog nie verbeter nie. 'n
Weergawe wat in BrasiliՉ vervaardig
word, is later deur Latin NCAP getoets,
waar dit 3 sterre gekry het, met sykantlugsakke
wat by die voorste sakke
gevoeg is en sluitweerremme.
In Afrika bied die Kwid ná sy onlangse
opknapping 2 lugsakke as standaard.
Die beskerming vir die bestuurder se
kop is as voldoende gegradeer en dié
vir die passasier as goed. Al die nekke
is goed beskerm, maar die bestuurder
se bors is nie goed beskerm nie. Die
lyfstruktuur was onstabiel en die pedale
het beweeg, daarom is twee sterre vir
die volwassenes se veiligheid toegeken.
Die kind is swak beskerm omdat die
kop kontak met die binnekant van die
motor gemaak het. Die gebrek aan
driepuntgordels vir al die sitplekke
en 'n gebrek aan Isofix-ankerpunte
het die Kwid 'n 2-ster-gradering vir
kinderveiligheid gegee.
AA Reisiger | HERFS 2021