AA REISIGER HERFS 2021

Spesiale verslag
EKSTRA BRONNE: businesstech.co.za; mybroadband.co.za; ewn.co.za
dra as ’n hareklowery oor waar die
motoris stop.”
Die AA is ook bekommerd
oor verskeie aspekte van die
appèl tribunaal. Motoriste kan
appelleer by die tribunaal
teen oortredingsbevele, maar
as die appèl onsuksesvol is en
die motoris hom tot die hof of
eindelik die Konstitusionele Hof
wend, word die oortredingsbevel
nie tydelik opsy gesit nie. “Met
ander woorde, ’n motoris is
skuldig totdat hy sy onskuld
bewys,” sê Layton. Dan is daar ook
die kwessie van onpartydigheid.
Sal die tribunaal onpartydig
optree as hulle saam met RTIA
funksioneer, wat sy inkomste
deur boetes genereer? Dis ook
nie duidelik hoe tribunaallede
betaal sal word nie, maar daar
kan ’n botsing van belange wees
as dit uit die boete-inkomste is.
Die AA glo ook dat ’n tribunaal
van 9 deeltydse lede nie met die
werkslading sal regkom nie.
Daar is ook ander kwessies in
die konsepregulasies wat rooi ligte
laat flikker:
• Die oortredingskennisgewing
hoef nie details te bevat nie. Die
AA glo die oortreder het die reg
hierop.
• Die oortredingskennisgewing sal
per gewone pos gestuur word.
• Die owerhede het 60 dae
tyd (voorheen 40 dae) om
oortredingskennisgewings aan
jou te stuur.
• Motoriste moet betaal om hul
strafpunte na te gaan. “Mense
behoort vrylik toegang tot die
stelsel te hê. Ons glo dis net nog
’n manier om geld te maak,” sê
Layton.
Die AA glo die getal strafpunte
wat tot die opskorting van ’n
bestuurder se lisensie sal lei moet
12 wees, nie 15 nie. “Vyftien laat
te veel ruimte vir gewoonteoortreders.
’n Stelsel wat slegs 12
strafpunte toelaat, sal tot beter
nakoming van die verkeerswette
lei.”
Ongeag hierdie besware is daar
ook dinge in die konsepregulasies
wat die AA steun. Die AA is sterk
ten gunste van ’n strafpuntstelsel
en het dit ondersteun sedert dit
vir die eerste keer in die 1960’s
oorweeg is, ook toe dit weer in die
1990’s en vroeë 2000’ bespreek
is. “Hierdie stelsel werk suksesvol
in ander lande, soos Australië,
en ons glo dit kan behoorlik
geïmplementeer word in Suid-
Afrika as ons dit reg doen.”
’n Strafpuntstelsel kan egter net
doeltreffend werk as jy die nodige
mannekrag en hulpbronne het
om dit te implementeer. “Die
stelsel kan goed lyk op papier,
maar sal nie werk as jy nie genoeg
verkeersbeamptes het om dit toe
te pas nie. Jy het voete op die
grond nodig hiervoor,” sê Layton.
Die 2016-verkeerswettoepassingsoorsig,
wat deur die destydse minister
Dipuo Peters gevestig is, het
daardie jare tot dieselfde gevolgtrekking
gekom, naamlik dat die
huidge getal verkeersbeamptes
“ernstig ontoereikend” is en dat
ons dubbeld soveel verkeersbeamptes
nodig het. Layton voeg by:
“Die AA is sterk te gunste van 'n strafpuntstelsel
en het dit ondersteun sedert dit die eerste keer
in die 1960's oorweeg is.”
“En dit gaan nie net oor verkeersbeamptes
nie. Het hulle genoeg
voertuie, bloedalkoholtoetse of
spoedmetingsapparaat? Dit is ’n
kritiese element.”
Verlede jaar het die AA
gedetailleerde kommentaar
gelewer op die konsepwet (die
sperdatum was 1 Desember).
“Tans wag ons vir die regering se
besluit op die laaste konsep,” sê
Layton. Jy kan die AA se volledige
voorlegging lees by aa.co.za/
aarto-submissions.
79
WAT IS AARTO?
Die Wet op die Administratiewe
Beregting van Padverkeersmisdrywe
(Aarto) stel verskeie wysigings voor
aan die uitreiking van boetes, maar
die ingrypendste verandering is
die strafpuntstelsel vir verkeersoortredings.
Almal begin met 0 punte.
Verskillende strafpunte word aan
verskillende oortredings toegeken.
Bestuur onder die invloed van alkohol
sal byvoorbeeld tot 6 strafpunte lei,
waar jy 2 strafpunte kry as jy ’n rooi
verkeerslig verontagsaam.
Tans is die limiet 15 punte. As jy 15
punte oorskry, word jou rybewys vir
drie maande opgeskort. Let op dat jy
drie maande per punt kry bo 15. As jy
dus 18 punte het, word jou rybewys vir
9 maande opgeskort. Een strafpunt
word elke drie maande gekanselleer.
As jou rybewys vir die derde keer
opgeskort word, word dit gekanselleer
en moet jy weer ’n leerlingrybewystoets
en rybewystoets aflê nadat jy jou
straftydperk uitgedien het.
Bo en behalwe die strafpunte, sal
jy ook boetes betaal. Volgens Aarto
moet die volgende binne 32 dae gebeur
vandat jy die oortredingskennisgewing
gekry het:
• Betaal die boete om 50% afslag te kry.
• Verklaar ’n dispuut by die appèltribunaal.
• Tref reëlings met RTIA om die boete in
paaiemente af te betaal.
• Kies om die saak hof toe te neem.
• As iemand anders jou motor bestuur
het, nomineer die bestuurder.
HERFS 2021 | AA Reisiger