AA REISIGER HERFS 2021

EERSTE
INDRUKKE
MODELKEUSE WR-V 1.2 Elegance
VANAF R319 900
DIENSPLAN 4 jaar/60 000 km
WAARBORG 5 jaar/200 000 km
BRANDSTOFVERBRUIK 6,4l/100 km
Let op dat nog nie een
van dié voertuie al
in die Global NCAPbotstoetse
as deel van
die #SaferCarsforAfricaprogram
getoets is nie.
Ná ’n stil tydperk in 2020, het daar verskeie nuwe modelle in die afgelope paar
maande op die toneel verskyn. Juliet McGuire kon die splinternuwe VW T-Roc, ’n
nuwer weergawe van die Hyundai Creta, en twee intreevlak Toyotas in die hande kry.
74
HONDA WR-V
In pas met die moderne neiging om af te
skaal, het Honda die WR-V bekengestel,
’n kompakte oorkruisvoertuig wat
eienskappe deel met die Honda Jazz
en BR-V. Dit ding mee in een van die
snels groeiende marksegmente, met die
Hyundai Venue, Volkswagen T-Cross,
Renault Captur, en Ford Ecosport as sy
vernaamste mededingers. Die WR-V sal
dus sy storie moet ken.
Dis ’n oulike ryding met tipiese Hondastilering.
Jy sien die BR-V is in sy gene. Die
grondvryhoogte van 177 mm sal handig
te pas kom. Dis in vier kleure beskikbaar,
naamlik moderne staal, platinumwit,
helder rooi en maanligsilwer. Die kajuit
is nie so ruim as wat ’n mens sou hoop
nie, veral as jou reisgenoot ses voet lank
is. Selfs met die stoel op sy verste punt
teruggestoot, kon hy nie sy sit kry nie. Ek
is egter korter en het gemakliker gesit.
Agterlangs is daar genadiglik meer
spasie, veral wat beenruimte betref.
Die WR-V is ’n baie praktiese ryding.
Die bagasieruim is 363 liter en die WR-V
gebruik Honda se “Magic Seat System”,
wat verskeie konfigurasies moontlik
maak. Die agtersitplek het boonop ’n
60:40-verdeling. As al die sitplekke
afgeslaan is, het jy 881 liter bagasieruimte.
Jy kan kies uit twee afwerkingsvlakke,
die Comfort en Elegance. Die Comfortmodel
het ’n vyfduim-LCD-oudiostelsel
met Bluetooth- en USB-konnektiwiteit,
en luidsprekers. Die Elegance-model
het ’n seweduim-raakskerm met
Apple CarPlay en Android Auto. Dit
het ook ses luidsprekers. Hoewel albei
modelle agterste parkeersensors het,
het die Elegance ook ’n trukamera
en kruisspoedbeheer met sleutellose
toegang en ’n drukknop-aansitter.
Honda het gewoonlik puik veiligheidseienskappe
en die WR-V is geen
uitsondering nie. Ses lugsakke,
Isofix-ankerpunte, sluitweerremme
en elektroniese stabiliteits beheer is
standaard op albei die modelle.
Die engiste teleurstelling is die enjin. Dit
is ’n 1.2 liter-aanjaerlose enjin, wat met ’n
vyfspoed-handratkas gekombineer word.
Dit bied 66 kW krag en 110 Nm wringkrag,
maar dit voel kragteloos en jy soek kortkort
daardie nie-bestaande sesde rat. Sy
mededingers het ook turbo-aangejaagde
enjins en outomatiese modelle.
Hoewel kragtige verrigting nie heelbo
aan die wenslys is van kopers in dié
segment nie, gaan jy tog woema nodig hê
as jy jou gesin en jul bagasie ingelaai het.
As jy egter net skooltasse en sportsakke
by die inkopies moet inlaai, sal die WR-V
’n praktiese ryding wees.
AA Reisiger | HERFS 2021