AA REISIGER HERFS 2021

Fotoportefeulje: Robberg
Dis die middel van die nag.
Oral om my hoor ek hoe
die Indiese Oseaan met ’n
gedruis oor die rotse breek.
Die hele nag lank. Danksy die
bioluminessensie en die sterre wat in die
rotspoele weerkaats, kan jy selfs in die
nag sien dat die rotse wemel van diertjies
en gedroggies wat te skaam is om in die
daglig gesig te wys. So gepraat van: Ek
voel hoe ’n krap onder my broek inkruip
terwyl ek, papnat van die seesproei, hier
op ’n antieke punt van Afrika sit. Die
rotse hier is tot 120 miljoen jaar oud, en
kom van die tyd toe die superkontinent
Gondwana verbrokkel het.
Ondanks my nat sitplek en die effens
ongemaklike krappery onder my, sal
ek hierdie sitplek vir geen geld in die
wêreld verruil nie. Op ’n helder aand
soos vanaand, wanneer die sterre op
hul helderste skyn en die branders op
hul raserigste is, kan jy nie vir ’n meer
perfekte ervaring vra nie.
Baie mense die wêreld oor sal die
hand diep in die sak steek vir so ’n
gerieflike en afgeleë omgewing, maar
vir Suid-Afrikaners is dit nader as
wat jy dink. Ek was vir twee nagte die
gas van die brekende branders, die
vonkelende sterre, die robbe, seemeeue
en nuuskierige krappe terwyl ek in die
Fountain Shack bly, ’n afgeleë hut in die
Robberg-natuurreservaat.
Robberg is 8 km buite Plettenbergbaai,
langs die Tuinroete in die Wes-Kaap (een
van die mees skouspelagtige kuslyne in
Suid-Afrika). Robberg is beslis die 7 uur
se ry uit Kaapstad uit werd.
Jy sal Fountain Shack in die suidelike
deel van die park kry. Dit is genestel
tussen die rotse en word deur fynbos
omring.
Die hut is oorspronklik in die
1940's gebou, toe dit gewild was onder
hengelaars. Deesdae is dit gewild onder
enigeen wat graag wil wegkom van die
stadsgedruis.
Dit is so afgeleë as wat kan kom.
Hier is geen elektrisiteit, beddegoed en
selfoonontvangs nie. Soms is daar selfs
geen water nie. Dis nie die soort verblyf >
49
HERFS 2021 | AA Reisiger