AA REISIGER HERFS 2021

LIMPOPO
Makgabeng-plato
In die noordwestelike deel van Limpopo, 120 km
noord van Polokwane en net suid van die groot
Bloubergreeks, sal jy die indrukwekkende,
maar taamlik onbekende sandsteenformasie
Makgabeng vind. Die torings en koepels van
okerkleurige sandsteen is 'n stapper se droom,
en die grotte en rotsoorhange huisves feitlik
900 rotskunsterreine.
Daar is 'n lekker roete tot by die graansilo's
van die imposante Thabana Nhlana. Die roete
begin 'n kort enjie vanaf die Makgabeng Farm
Lodge. Jy het nie 'n gids nodig nie, maar jy sal
bly wees as jy een huur by die lodge. Die gidse
kan jou help om die pad te kry en jou die ryk
geskiedenis van die omgewing vertel, wat
in die verlede deur die San, Khoi, Sotho- en
Tswana-volke bewoon is. Hoewel die roete
slegs 2,5 km is, is die opdraand steil en sal jy
bietjie moet klouter om by die breë rotslys te
kom. Gee jouself drie tot vier uur sodat jy die
silo's en die rotsformasies kan verken, en die
uitsig kan bewonder.
KONTAK: 073-190-9971, info@makgabenglodge.
co.za, makgabenglodge.co.za
34
NOORD-KAAP
Agterlos-staproete, Goegapnatuurreservaat
Met meer as 600 blomspesies en ’n ryk voëllewe,
is die Goegap-natuurreservaat net buite een van
die onontdekte juwele in die Noord-Kaap. Jy sal
gemsbok,springbok en bergsebra op die vlaktes
sien, ’n verstommende hoeveelheid vetplante,
halfmensbome en al drie verskillende soorte
kokerbome wat jy in Suid-Afrika aantref. Die
reservaat is uiteraard ’n lushof in die blommetyd
vroeg in September.
Kies die maklike Agterlos-sirkelroete van 6 km,
waarmee jy die granietkoppies agter die reservaat
se kantoor gaan verken. Die staproete bied
pragtige uitsigte, en jy sal waarskynlik roofvoëls,
klip springers, nuuskierige koggelmanders en
ander reptiele sien. Soek in die rotssplete vir
besonderse vetplante. Daar is ook ’n roete vir
motors en omtrent 60 km vir 4x4's en bergfietse.
KONTAK: 027-718-9906, goegap@outlook.com,
Goegap-natuurreservaat op Facebook
AA Reisiger | HERFS 2021