AA REISIGER HERFS 2021

Dis naweek
28
susters,” wys ons toergids, Simoné
Engelbrecht. “As jy tannie Evalina se
oë dophou, lyk dit of hulle jou volg,”
sê sy doodernstig. Simoné ken nie net
die huis se geskiedenis nie; sy deel
ook graag informasie oor die myn en
die diamante wat daar ontgin word.
“In 1984, nadat die twee susters
oorlede is, breek daar mense by die huis
in. Die enigste ding wat hulle gesteel
het, was bottels ingemaakte vrugte,”
sê sy in die spens. “Mense het gedink
daar is diamante daarin versteek.”
Dit is al laatmiddag en die McHardys
se spensrakke laat my maag grom. Ons
ry Hotelstraat toe vir skemerkelkies en
aandete by die Cullinan Premier-hotel.
’N UITSTAPPIE MET LIEFIE
Die volgende oggend is ons vroeg
op om deur die jakarandastrate te
stap. Ons draai af in Hotelstraat en
stap in die rigting van die Cullinan
Junction Shops by die ou treinstasie.
Net voor die Junction sien ons ’n
vriendelike Jack Russel op haar eie
uitstappie. Sy volg ons treinstasie toe.
Dit is nog te vroeg vir die tweedehandse
winkels, en die Station Diner is
besig om oop te maak. Ons loop verder
deur die strate en terug Oaklaan toe, en
al die pad drentel die brakkie agterna.
Ons raak later bekommerd oor
haar veiligheid (en haar eienaar se
senuwees) en lei haar terug stasie toe.
“Die hondjie bly hier naby, by die ou
stasiemeesterhuis. Sy het seker uitgeglip
Die Premierhotel,
toe en nou
– ons sal haar terugneem,” stel ’n
kelner by die Station Diner ons gerus.
Min het ons geweet ons gaan weer
vir Liefie sien. Later die oggend
is ons by die einste stasiemeester
se huis. Ons kom kuier by Lientjie
Wessels – sjef, kunstenaar, stilis,
Kokkedoor-deelnemer en skrywer
van die nuwe kookboek, Geure.
Ons het lekker gelag oor haar Jack
Russel se eskapade, en Lientjie was
dankbaar dat Liefie weer veilig tuis is.
Lientjie woon al van Junie af in Queen’s
Cottage (wat uit 1903 dateer), maar sy
het in Pretoria en op plase om Cullinan
grootgeword. Sy ken dié wêreld.
Lientjie verkies Cullinan bo die
stad. “Ek wil nooit weer in ’n muur
vaskyk nie,” sê sy en tuur uit oor haar
groot tuin. Duskant die treinspoor
skuil die myn se gat, die horison
spog met ’n natuurreservaat en in
’n boom naby die huis verwelkom
’n rooikophoutkapper ons.
Lientjie het al restaurante, asook
’n dekorwinkel besit en bestuur,
maar om nou van die huis af te
werk is vir haar ideaal. Twee Sondae
per maand bied sy ’n middagetebelewenis
in haar tuin aan. “Ek wil
nie meer ’n restaurant bestuur nie,
maar ek wil steeds kook,” sê sy.
Sy bied ’n viergangmaaltyd vir om
en by 24 mense aan, en vandag kook
sy ’n veganistiese spyskaart. Lientjie
is gefassineerd met die verband
tussen smaak en kultuur – iets wat
uitgebeeld word in Geure. “Die
St. George's
Liefie by
Queen's Cottage
raakpunte met kos is baie interessant.
Het jy geweet melktert kom orals in
die wêreld voor? Selfs die Chinese
het ’n soortgelyke lekkerny.”
Die boek getuig van Lientjie se liefde
vir die skeppingsproses. Benewens haar
gawe met geure, verskyn haar skilderye
en talent vir stilering ook in die boek.
’n Mens kan duidelik sien sy is lief vir
mooimaak – haar antieke huis is ook
kleurvol en sjiek, met eindelose karakter.
“Die argitektuur en geskiedenis van
die dorp is vir my baie interessant,” sê
sy. Sy vertel ook van die spooktoere, of
Mystery Ghost Juants. “Die toerleier,
Mark Rose-Christie, bied hierdie toere
al baie jare lank aan. Sy spookstories is
goed nagevors en die spoke is werklike
mense vanuit die dorp se geskiedenis.”
Ons stap terug treinstasie toe en
dink aan Cullinan se verlede: die
geboue, die mense en hulle lewe op
die myndorp. Daar is min dinge wat
jou so nostalgies laat voel soos ’n
oudhedewinkel; ons gaan loer gou
in by die Cullinan Junction Shops.
Daar is ’n paar oulike artikels by
Gear & Gadgets en The Sixth Goblet:
’n linnebroek met blompatrone vir
my, ’n leerharnas vir ons hondjie
Phoebe en my gunsteling – ’n
antieke dra-mandjie vir katte.
Ons kat, Willem, is gaande oor sy
nuwe-ou huis en ons is gerusgestel dat
dié blyplek darem nie spook nie. Waar
in die wêreld vind ’n mens ’n antieke
rottang-iglo vir jou kat teen R80?
Nee wat, nét in Cullinan.
AA Reisiger | HERFS 2021