AA REISIGER HERFS 2021

22
nee, jy sal nie diamante hier sien rondlê
nie.
Oranjemund, Duits vir “oranje
mond”, is waar die Oranjerivier in
die Atlantiese Oseaan invloei. Dit is
een van die plekke wat tot ’n Ramsarvleilandgebied
verklaar is en word tans
as die sesde rykste vleiland in Suider-
Afrika beskou. Die vleiland ondersteun
’n wye verskeidenheid plante en diere.
Hier is baie flaminke, maar ook skaars
voëls soos die bedreigde Ludwigse
pou, die kwesbare trekduiker en die
damaraseeswael. Daar is voëlskuilings
langs die rivier vir voëlliefhebbers.
Hengelaars sal ook dol wees oor die
Oranjeriviermond. Ek het van kleins
af visgevang, en selfs aan ’n paar
kompetisies deelgeneem. Jy kan besluit
of jy in sout- of varswater wil hengel.
Hier word varswaterspesies soos die
grootgeelvis, rotskatvis en Namakwaghieliemientjie
gevang. Een van my
gunstelingvisvangstories is toe ek ’n
geelvis in die see gevang het – genugtig
weet hoe dit daar gekom het.
As jy in Namibië wil hengel, moet
jy ’n vispermit kry by die kantoor van
die Ministerie van Visserye en Mariene
Hulpbronne. Volgens Travel News
Namibia het die streek die potensiaal ’n
wêreldklas-oorgrenspark te word.
Oranjemund is in die omgewing
van die Tsau-/Khaeb- Nasionale Park
(voorheen bekend as die Sperrgebiet),
daarom sal jy soms springbokke en
ander diere sien wei op die 18-putjiegholfbaan.
Strandwolwe, wat deur die
Namibiese owerheid as uiters kwesbaar
beskou word, kan ook soms gesien word.
Wat die dorp uniek maak, is dat
gemsbokke, volstruise en jakkalse vrylik
deur die strate ronddwaal. Die plaaslike
inwoners beskou die gemsbokke as
familie. Sommiges van hulle gebruik al
selfs die voetoorgang of wag geduldig
vir die verkeer voordat hulle die pad
oorsteek. Die plaaslike Spar het ’n
bordjie wat sê geen gemsbokke word
toegelaat nie.
HOU NOORD NA NOORDOEWER
Noordoewer, ’n boerderynedersetting
langs die Oranjerivier, is ’n
belangrike grenspos tussen Namibië
en Suid-Afrika. Dis ook ’n lekker
vakansiehouplek.
My oupa het vroeër ’n plaas hier
gehad en ek het hier saam met my neefs
Die omgewing op die roete lyk soos 'n toneel uit
'n Wilbur Smith-boek met sy blou lug,
kontrasterende oranje rotsformasies en kokerbome.
en niggies gespeel. Ons was net binne
die huis as die temperature bo 40°C was.
Hier kan grootmense ook speel! Een
van die beste plekke vir rivieravonture
is Amanzi Trails. Die kampterrein kyk
uit oor die majestueuse Geelkranse. Jy
sal verlief raak op die geluide van voëls,
sonbesies en die roep van die visarend.
Met my onlangse besoek aan Amanzi
kon ek nie wag om in die water te kom
nie. Dit het my herinner aan die tye
wat die rivier so laag is dat jy deur die
rivier kon loop. Hier kry ’n kind ’n
reddingsbaadjie as hy nog ’n doek dra!
Amanzi Trails bied gesinsvriendelike
riviervlotvaarte aan en jy het geen
vorige roei-ervaring nodig nie. Kom
dryf hier rustig op ’n 5 meter lange
Indiese Mohawk-kano of pak die
graadeenstroomversnellings.
Sonskerm en ’n hoed is ’n moet. As
jy jou hangmat saambring, sal jy jou
beste middagslapie ooit hier tussen die
koeltebome geniet! Vir die hengelaars
is hier geelvis, moddervis en baber in
oorvloed. (’n Vispermit is noodsaaklik.)
Amanzi word deur Johan La Grange
en Coleen de Villiers bestuur, twee
mense wat die wêreld liefhet en soos die
palm van hul hand ken. Dalk ontmoet
jy ook vir Sammy, Savannah en Mia, hul
vriendelike honde.
Met my onlangse besoek het ek
vir Tanja en Armin Vogelsang van
Duitsland ontmoet. Hulle het by Amanzi
gekamp omdat hulle weens Covid-19 in
Namibië gestrand was. Maar hulle kla
nie, want dit gee hulle die geleentheid
om uiteenlopende landskappe, wilde
diere en die gasvrye mense te leer ken,
sê Tanja.
Hulle het ’n uitgebreide Afrika-reis
in November 2019 begin en middel
Oktober 2020 by die Katima Mulilogrenspos
tussen Zambië en Namibië
aangekom. Hulle het in daardie stadium
reeds drie maande in die land gereis.
Ander reisigers en die selfoon-app
iOverlander het Amanzi aanbeveel.
“Ná ’n paar weke in die Namibiese
woestyn, was Amanzi ’n oase met sy
AA Reisiger | HERFS 2021