AA REISIGER HERFS 2021

Resepte
GEBAKTE FRIKKADELLE
IN TAMATIESOUS
ITALIAANSE LAMSTJOPS
64
GEBAKTE FRIKKADELLE
IN TAMATIESOUS
Hierdie lekker frikkadelle gaan jou gesin
se nuwe gunsteling wees.
Vir 4
Voorbereiding 15 minute
Gaarmaaktyd 30 minute
500 g maalvleis
4 eetlepels oreganoblare
3 huisies knoffel, gekap
¼ koppie gerasperde parmesaan- of
pecorino-kaas
1 eiers, geklits
sout en gemaalde swart peper
1 eetlepel olyfolie
1 ui, fyngekap
500 ml tamatie-passata of 1 blik (410 g)
gekapte tamaties
½ koppie gerasperde kaas, soos
mozzarella
1 Voorverhit die oond tot 200° C. Meng
die maalvleis met die helfte van die
oregano en die helfte van die knoffel, die
parmesaan, die eier en ’n knippie sout
en vars peper. Gebruik jou hande om
die mengsel in gholfgrootte balletjies te
verdeel.
2 Voeg die gekapte ui, tamatie-passata,
en die res van die oregano en knoffel
in die oondbak. Voeg die frikkadelle by
die sous en sprei die frikkadelle uit. (Die
bak moet vlak wees, maar groot genoeg
sodat die sous die onderste helfte van
die frikkadel kan bedek. Jy kan die
frikkadelle vooraf in ’n pan verbruin.)
3 Bak die frikkadelle in die sous vir
omtrent 20 minute. Sprinkel die kaas oor.
Bak vir nog 10 minute of totdat die kaas
gesmelt en die frikkadelle gaar, maar
steeds sappig is.
4 Sit voor met pasta of ciabattabrood.
ITALIAANSE LAMSTJOPS
Lamstjops hoef nie elke keer op die
braairooster gaargemaak te word nie.
Vir 4
Voorbereiding 5 minute
Gaarmaaktyd 35 minute
8 lamstjops
2 suurlemoene
8 takkies roosmaryn (sowat 10 cm lank)
3 huisies knoffel, fyngekap
50 g kalamata-olywe
3 eetlepels kappertjiesaad
500 g baba-aartappels
3 eetlepels olyfolie
3 rooi soetrissies
soutvlokkies, na smaak
gemaalde swartpeper, na smaak
1 Voorverhit die oond tot 220° C. Plaas
die tjops in ’n bak. Rasper die skil van
een suurlemoen oor en voeg die sap by.
Stroop die blare van die helfte van die
roosmarynstingels en kap dit fyn. Strooi
die gekapte roosmaryn, knoffel, olywe
en kappertjiesaad oor die tjops. Sit die
tjops eenkant.
2 Sny die aartappels in dun skywe en
versprei dit in ’n vlak oondbak. Druip
1 eetlepel olyfolie oor en plaas die bak
vir 10 minute in die oond.
3 Sny die suurlemoen in dun skyfies en
die soetrissies in dik stroke. Verwyder
die gereg uit die oond en voeg die
suur lemoen snye, soetrissies en die
oorblywende olie by. Geur met sout en
swart peper, en plaas die bak terug in
die oond vir nog 10 minute.
4 Haal weer die bak uit die oond en
rangskik die tjops op die olyf-enkappertjiesaad-mengsel.
Bak die tjops
in die oond vir 10 tot 15 minute. Draai die
tjops een keer om tydens die baktyd. Sit
voor uit die bak uit saam met ’n groen
slaai.
AA Reisiger | HERFS 2021