AA REISIGER HERFS 2021

Fotoportefeulje: Robberg
Ligskouspel
Die aande hier is
betowerend
Volg die rob-tekens langs die pad. Die
stap soontoe is skouspelagtig en loop
verby oer oue grotte en berghange.
Dis nie ’n gewone wandelpad nie
– daar is ’n paar klouterseksies in die
middel, net verby die Gap.
As jy eers die hut sien, sal jy besef dit
was die moeite werd.
DIS JY EN DIE NATUUR
Die aantrekkingskrag van Fountain
Shack is die afsondering. Hier leef jy
binne die natuur. Jy sal van die hut af
die robbe kan sien swem en krappe
vang.
Die seemeeue hou jou nuuskierig dop.
In die fynbos is ’n muishond, wat astrant
probeer vlug het met die steak wat ek
buite probeer ontdooi het. Hy was later
die naweek weer terug en het met ’n
piesang weggekom wat ons onbewaak
gelaat het.
Die volgende oggend het ons die
9,2 km lange Puntsirkelroete gestap, wat
om die skiereiland kronkel.
Daar was baie om te sien, vanaf
dassies wat sonbaai tot unieke
rotsformasies en fynbos.
Die reservaat het ook twee korter
roetes – 2km en 5km – as jy nie vir die
9 km kans sien nie. Hierdie roetes bied
uitsigte op die kristalhelder oseaan waar
die witdoodshaaie en robbe baljaar.
Die sonsondergang is fantasties. Die
goue lig loer deur die wolke en verlig
die Fountain Shack in al sy glorie.
Berei jou voor op ’n ongelooflike ligskouspel
in die aand. Vanaf Februarie
tot Oktober kan jy die Melkweg
deur die lug sien beweeg sonder die
geringste stadslig wat dit versteur.
Saam met die vuurvliegies lewer dit die
perfekte "vertoning" vir jou braai en
skemerkelkies.
Die ongerepte skoonheid van die
omgewing is iets wat baie landskapfotograwe
begeer. Dit behoort beslis op
jou emmerskoplys te wees.
51
HERFS 2021 | AA Reisiger