AA REISIGER HERFS 2021

Cleopootra en haar kleintjies
18
Ons het die jagluiperdwyfie
en haar twee welpies eers op
ons laaste dag in die park na
Cleopatra en haar tweeling,
Seline en Alexander, genoem.
Haar elegante houding het aan dié van ’n
sfinks herinner.
Op ons ons heel eerste dag in die
Kgalagadi het ons hulle teen laatmiddag
skaars 10 km buite Twee Rivieren teëgekom.
Sy het soos ’n Egiptiese standbeeld onder ’n
boom gesit-lê. Nóg die vyf of ses motors wat
heen en weer gekarring het vir beter fotohoeke,
nóg haar twee welpies wat haar as ’n
klimraam gebruik het, kon haar versteur.
’n Dag later het ons weer teen laatmiddag
by Samevloeiing (’n watergat) gesien hoe die
motors mekaar verdring.
Ons kon nie naby kom nie, maar kon van
ver af sien dat Cleopootra haar skaars 3 meter
van die voorste motor langs die watergat
neergevly het vir ’n middagslapie.
Op dag 3 het sy ons bederf. Ek was amper
half nukkerig omdat ons eers om sewe-uur
die oggend by die hek uit is – laterig as jy in
ag neem dat die hekke in die somer al om
05:30 soggens oopmaak. Ek het my gestaal
om min diere te sien omdat die Kgalagadi die
vorige nag goeie reën gekry het, wat beteken
dat die diere in die veld kan water drink en
nie na die watergate hoef te gaan nie. Dit
was egter presies die teenoorgestelde. Dit
was asof almal kom partytjie hou het. Die
springbokke staan ’n erewag vir jou langs die
pad, en die skilpaaie krioel soos bosluise op
’n rondloperhond in die veld.
Minder as 20 km buite Twee Rivieren
sien my suster hoe Cleopootra en haar
tweeling-welpies, Selina en Alexander, oor
die rooiduin aankom. Ons sit op die hoofpad
na Nossob, maar besef baie vinnig dat hulle
op pad is in ons rigting. Ons neem koorsagtig
foto’s terwyl sy nader en nader en nader kom,
totdat sy vlak voor ons oor die pad stap om
die twee lasposte aan die oorkant van die pad
weg te steek.
Ons waai nog ’n padskraper weg, toe hoor
ons ’n entjie verder gebeur iets. Cleopootra
was reeds terug met haar vangs, ’n sl apdood
springbok! Hoe lank was dit? Twee minute?
Dalk drie? Toe het sy reeds die springbok
gevang, gedood, én teruggesleep. Ons het
ons oë geknip en die jagsessie misgeloop!
Die Vrystaters in die motor agter ons het
die vensterruit afgedraai en beduie: Die
springbok het nog die een oomblik sierlik
gespring, toe seil Cleopootra deur die lug en
trek hom plat. Hy het nie ’n kans gestaan nie.
Alexander en Selina (terloops, ons het nie
’n benul watter geslag die welpies is nie) het
’n goeie 20 minute met die karkas gespeel
terwyl hul ma eenkant haar asem teruggekry
en water gedrink het. Toe het sy die karkas
AA Reisiger | HERFS 2021