AA REISIGER HERFS 2021

Fotografieslypskool
om met die kamera na ’n donker plek
te mik en die beligting vir daardie kol
te "sluit". Jy kan byvoorbeeld na die
grond mik, en die beligting "sluit", en
dan die komposisie verander om die
sonsondergang in die raam te kry. Jou
foto sal dan oorbelig wees.
Skakel jou auto white balance-modus
af: As jy jou kamera op auto-modus
gebruik, is dit in witbalansmodus, wat
beteken dat jy van die warmer kleure van
die sonsondergang gaan verloor. As jy die
modus gebruik vir bewolktheid of skadu,
sal jou kamera die kleure effens warmer
maak.
ANDER WENKE EN
TRUUKS
Skiet in RAW files: Dit bied groot
voordele. Jy kan dan later die beligting,
witbalans of gradiënt verander.
Driepoot: As jy ’n stadiger sluiterspoed
gaan gebruik met ’n langer fokuslengte,
sal jy ’n manier moet kry om jou kamera
doodstil te hou. ’n Driepoot kan jou help.
Fokus met die hand: Wanneer jy in
uiterste lig foto's neem, sukkel sommige
kameras om akkuraat te fokus. As dit die
geval is, skakel outofokus af en fokus
met die kamera se ring. Vertoef nog ’n
rukkie nadat die son gesak het en neem
nog foto's. Selfs nadat jy die perfekte
sonsondergangfoto's geneem het, moet
nog nie dadelik oppak en die pad vat nie.
Daar gaan ’n oomblik kom wanneer
die son die laagliggende wolke aan
die brand gaan steek. Jy gaan nie baie
tyd hê nie, so vyf minute. Jy moet dus
gereed wees om die kans aan te gryp.
Jy moet dit antisipeer en reg staan. As jy
dit regkry, sal jy beloon word met ’n foto
met uitsonderlike lig. As die son agter
die horison verdwyn, kry jy die blou uur.
Die kleure sal dan selfs meer versadig
en mooi wees. Dit is wanneer die werklik
betowerende foto's geneem word.
Ek beveel aan dat jy so 40 minute ná
sonsondergang nog rondhang. Glo my, jy
sal nie spyt wees nie.
Benut die steruitbarstingseffek –Dit is
’n tegniek waar jy jou kleins moontlike
lensopening kies (so f22) en jou kamera
direk op die son rig. Die klein lensopening
sal die sonstrale vererger en dit meer
sigbaar en prominent maak. Jy sal dan ’n
steruitbarsting in jou foto hê.
Wees versigtig vir lensflikkering
wanneer jy jou kamera op die son rig.
Soms voeg dit ’n kunssinnige element by
jou foto, maar ander tye maak dit ’n lelike
blerts wat jou foto ruïneer. Dis moeilik om
dit te beheer. Probeer om effens links of
regs te beweeg om die hoek van die lens
in verhouding tot die son te verander.
Neem ’n klomp foto's en kies die beste
een.
Bring 'n flits: Dit is dikwels pikdonker
nadat jy klaar foto's geneem het. ’n
Goedkoop flits kan dalk keer dat jy
peperduur toerusting in die veld agterlaat
of bene breek terug na jou motor toe.
Samantha Reinders is 'n
vryskutfotojoernalis wat lief
is om die pad te vat. Sy het
al vir National Geographic
gewerk en was voorheen
fotoredakteur van Weg/go!
Die afgelope paar maande
het sy aan 'n aangrypende
foto-essay oor die Covidpandemie
in die Oos-Kaap vir
The New York Times gewerk.
55
HERFS 2021 | AA Reisiger