AA REISIGER HERFS 2021

Rygoed
slaap in
jou motor
Kom ons begin met rygoed waarin jy kan slaap. Dit
spaar jou die gesukkel met ’n tent. Drie van hierdie
opsies is spesifiek gebou as ryhuise, en die vierde
opsie is wanneer jy ’n gewone ryding wil gebruik om
in te slaap.
VOLKSWAGEN CALIFORNIA 6.1 EN
CADDY CALIFORNIA
Die Volkswagen Campers en Autovillas was
legendariese ryhuise waaroor talle Suid-Afrikaners
steeds nostalgies raak. Vir ’n nuwe generasie is daar
nou die Californias.
Die 6.1 California-ryhuis (wat aan die ou VW
Campers herinner en slaapplek vir vier mense
bied) is splinternuut en die afgelope paar weke by
VW-handelaars beskikbaar vanaf R1 214 400 vir die
4Motion-model. Die California 6.1 het ’n dak wat
uitvou sodat jy regop binne kan staan en ’n volledige
kombuis met ’n koelboks, wasbak en stofie.
Vir pare of individue wat ’n ryhuis soek, is die VW
Caddy (wat ons plaaslik as ’n aflewerings voertuig ken)
oorsee ook in ’n California-weergawe omskep, maar
tans weet ons nie óf en wanneer dit in Suid-Afrika
beskikbaar sal wees nie. Die oorsese weergawe het
’n uitvoubed en ’n uitvou-sondak van. Die luukser
weergawe het ’n kombuisie in ’n laaistelsel wat jy van
die agterdeur af bereik.
Die Caddy California het ’n modulêre tentstelsel
WENKE VIR
JOU KAMPEER-
VAKANSIE
• As jy in die veld gaan ry,
neem ’n kompressor. Jy
gaan dit nodig kry as jy jou
banddruk moet verlaag op
sandpaaie, en om matrasse
by die slaapplek op te blaas.
• As jy in ’n groep ry, bêre
jou spaarsleutel in iemand
anders se motor.
• Belê in sonherlaaiers as jy
op afgeleë plekke wil kamp.
Jy wil nie jou motor te lank
laat loop om elektroniese
toerusting te laai nie. 'n
Koelboks veral sal jou
battery leegtap.
• As jy nie op gelyk grond
kan parkeer nie, maak seker
jou kop is hoër as jou voete
wanneer jy slaap.
• Jy kan nie sommer net
iewers langs die pad aftrek
en slaap nie. Maak seker jy
het die korrekte permitte. As
jy kan, bespreek vooruit.
• As jy binne jou motor
gaan slaap, pak so min in as
moontlik sodat jy plek het
om jou tuis te maak.
• Maak die vensters aan
weerskante oop wanneer jy
slaap sodat daar ’n luggie
deurtrek. As jy ’n sondak
het, maak dit ook oop!
• Gebruik ou lakens en
handdoeke voor jou vensters
vir privaatheid. Of belê in
skadu-afskortings wat ook
bedags jou voertuig koel sal
hou.
• Sonkrag is jou beste
vriend, maar hou ook
batterye byderhand vir 'n
Plan B.
• Neem ’n hangmat saam
om bedags (en selfs snags)
onder ’n boom te rus.
wat aan die voertuig vasgemaak of losstaande
gebruik kan word. Die tent kan selfs verleng word om
’n slaapkamer te vorm.
Die Caddy California is oorsee in twee enjinopsies
beskikbaar en sal ’n puik keuse wees vir afgetredenes
wat weke lank op die langpad wil wees.
Kom ons hou duimvas dat VW ook ’n ryhuis vir die
nederiger deel van die mark beskikbaar sal stel. >
69
HERFS 2021 | AA Reisiger