AA REISIGER HERFS 2021

GOED
OM TE
WEET
Beste tyd om te gaan Die meeste
besoekers gaan in die winter, en ná ons
teëspoed buite Mata-Mata verstaan ek
hoekom. Maak jou gereed vir bloedige
hitte in die somer. Die kamphekke is
egter langer oop vir diere kyk.
Die donderweer is
op pad in die Kgalagadi
Het ek ’n 4x4 nodig? Nee, ons het
besoekers in Polo’s en Renault Kwids
gesien. Onthou egter dat die hitte ’n
sandpad onrybaar kan maak in ’n 4x2.
Moenie op die hitte van die dag op
sand ry nie of gaan liewer in die kouer
maande. Verlaag jou banddruk – dis
’n belangrike voorsorgmaatreël as jy
in sand bestuur. Die Kgalagadi het ’n
stelsel waarvolgens jy bedags in- en
uitklok by die kampe, en die bestuur
sal optel as jy nie by jou slaapplek
aangekom het nie. Medebesoekers is
uiters hulpvaardig, maar sorg dat jy die
basiese herwinningstoerusting by jou
het: ’n grafie en minstens 5 liter water.
Selfoonsein By Twee Rivieren is die
sein goed, maar dieper in die park is
daar geen sein nie.
Grondeekhoring
parke ter wêreld. Dit is ook een van die
mees ongerepte bewaringsgebiede op
aarde. Dit is juis hierdie ongereptheid wat
mense herhaaldelik laat terugkom.
Blaas af
Ons het reeds op dag 1 die Ontvangskantoor
se raad gevolg en ons bande
tot by 1,6 bar verlaag, maar steeds in die
moeilikheid beland.
Die Kalahari-leeu
“Ons bande” is nie heeltemal korrek
nie. Ek besit ’n piepklein stadsmotor en
is van my suster se sportnuts afhanklik
vir uitstappies soos hierdie. En nadat ons
maande lank nie ons bejaarde ouers kon
sien nie, wou ons hulle nie by die huis
los nie. Aangesien die een reeds ouer as
80 is, wou ons hulle die kampery spaar.
Eintlik was dit ’n handige verskoning. Ek
en my suster kamp graag, maar nie as
die temperature aan 40 grade C raak nie.
Op dag 1 leer ons egter dat hierdie
’n park is soos geen ander nie. Ná ons
eerste nag in Twee Rivieren moet ons
aanskuif Mata-Mata toe, ’n hanteerbare
120 km vanaf die hoofpark. Ons volg
egter ’n strategie wat al dikwels goed
vir ons in die Krugerwildtuin gewerk
het. In plaas daarvan dat ons rooidag
oppak, en die beste wildkykuur van die
dag misloop, gaan ry ons om 05:30 ’n
draai, drink ons koffie by ’n waterpan, en
keer dan om 10:00 terug na ons huisie >
Watse geriewe is daar? Daar is
petrolstasies, swembaddens en
winkeltjies by al drie hoofkampe.
Die winkeltjies verkoop ’n klein
verskeidenheid blikkieskos, vleis,
huisraad en braaihout. Neem bevrore
vleis en groente saam as jy kan. Twee
Rivieren het ’n restaurant, maar dit was
gesluit weens die Covid-inperking toe
ons laat in 2020 daar was. Met enkele
uitsonderings werk die kampe se krag
met kragopwekkers wat tussen 22:00
en 05:00 afgeskakel word.
Paspoorte? Suid-Afrikaners wat die
hek by Twee Rivieren gebruik en nie
die Kgalagadi gaan verlaat nie, het
nie paspoorte nodig nie, al kronkel jy
plek-plek oor die grens na Botswana
of Namibië. As jy egter die park wil
verlaat by Mata-Mata (na Namibië)
of Mabuasehube (Botswana) het jy ’n
paspoort nodig en moet jy minstens
twee nagte in die park oorgebly het.
Hierdie grensposte is slegs vir toeriste
beskikbaar, nie handelsware nie. Die
grenspos by Twee Rivieren sluit om
16:00 en Mata-Mata om 16:30.
15
HERFS 2021 | AA Reisiger