AA REISIGER HERFS 2021
AA Reisiger. The magazine for the Automobile Association South Africa. Afrikaans edition.
AA Reisiger. The magazine for the Automobile Association South Africa. Afrikaans edition.
Create successful ePaper yourself
Turn your PDF publications into a flip-book with our unique Google optimized e-Paper software.
Van die redakteur<br />
REDAKTEUR<br />
Gerda Engelbrecht<br />
gerda.engelbrecht@media24.com<br />
KUNSHOOF<br />
Sally Cronjé<br />
ASSISTENTREDAKTEUR<br />
Petro-Anne Vlok<br />
REPRODUKSIE<br />
Dewald Spies<br />
PRODUKSIE<br />
Kerry Nash<br />
Kurt Ohlson<br />
UITVOERENDE HOOF: MEDIA24<br />
Ishmet Davidson<br />
UITVOERENDE HOOF: DRUKMEDIA<br />
Rika Swart<br />
HOOFBESTUURDER: LEEFSTYL<br />
Minette Ferreira<br />
HOOFBESTUURDER: KOMMERSIEEL<br />
Nerisa Coetzee<br />
FINANSIËLE HOOF<br />
Jameelah Conway<br />
SIRKULASIEBESTUURDER<br />
Armand Kasselman<br />
ADVERTENSIES<br />
Danie Nell<br />
danie.nell@media24.com<br />
ALGEMENE NAVRAE<br />
Amina Essop<br />
amina.essop@media24.com<br />
VOORBLADFOTO<br />
GERDA ENGELBRECHT<br />
GEDRUK DEUR<br />
CTP PRINTERS<br />
VERSPREI DEUR<br />
ON THE DOT<br />
Gepubliseer deur Media24,<br />
'n afdeling van NASPERS.<br />
40 Heerengraght,<br />
Kaapstad 8001<br />
ALLE REGTE VOORBEHOU<br />
Die winteruitgawe<br />
van<br />
<strong>AA</strong> Reisiger word<br />
in die eerste<br />
week van Junie<br />
versprei.<br />
Gee jou oor aan<br />
die nostalgie<br />
Wat begin het met ’n ligte fassinasie, ’n eenvoudige “wat as …”, het<br />
momemtum gekry tot die punt waar ek soos ’n verliefde skoolmeisie<br />
gedagdroom het. Oor ’n Vespa. In die hoop dat ek die reisgogga effens in<br />
toom kon hou, het ek in die maande van isolasie ou gunstelingreisboeke<br />
afgestof en herlees, en na skaars 20 bladsye van Peter Moore se A Vroom<br />
with a View, het ek op die internet begin kyk na tweedehandse Vespas. Die<br />
koeël was deur die kerk. In die boek vertel Peter (’n Australiër) hoe hy vir sy<br />
veertigste verjaardag ’n veertig jaar oue Vespa in Italië koop en die platteland daarmee platry.<br />
Dis idillies. Die omgewing! Die dorpies! Die kos! Die avonture! In my gedagtes was ek weer<br />
’n student op Stellenbosch waar ek met ’n poeierblou 80 CC-poegie klas toe gery het. Ek het<br />
die wêreld aan my voete gehad... met R7 per week se petrolgeld!<br />
Ek is nie een wat oornag goed besluit nie en het vir my stappe gestel om seker te maak die<br />
Vespa-verliefdheid is eg. Ek het die lang ry by die verkeerdsdepartement getrotseer en weer<br />
’n leerlingrybewys gaan skryf. Ek het ’n paar gaan toetsbestuur. Maar ek kon nie die verlange<br />
na ’n Vespa afskud nie. Die hart het sy redes waarvan die verstand niks weet nie. Dit was asof<br />
daardie droom, om weer plekke te verken op die rug van ’n poegie, my gehelp het om weer<br />
’n toekoms te sien. Vespa in Kaapstad het my ’n tweedehandse een help opspoor, wat ek<br />
sedertdien Sophia (Loren) gedoop het.<br />
Ek lees die ander dag ’n interessante artikel op National Geographic se webwerf, “The<br />
surprising way nostalgia can help us cope with the pandemic”. Ek herken baie van myself in die<br />
artikel. Die WAT definieer nostalgie as ’n “sentimentele of soms buitensporige verlange na<br />
’n dikwels geromantiseerde of geïdealiseerde tydperk in die verlede”.<br />
Volgens die artikel is nostalgie tot in die twintigste eeu as ’n siekte beskou. In die 1600’s, teen<br />
die einde van die Dertig Jaar Oorlog (1618-1648), is dit in ’n mediese joernaal as die “boosheid<br />
van die hart” beskryf. Dit was die Switser Johannes Hofer wat dit in 1688 nostalgie begin noem<br />
het, na aanleiding van die twee Griekse woorde nostos (“tuiskoms”) en algos (“pyn”). Hofer het<br />
egter in sy navorsing bevind nostalgie, waarin soldate terugverlang het na hul vorige lewens, is<br />
’n serebrale siekte met ’n demoniese oorsprong. Een Russiese bevelvoerder (in ’n ander oorlog)<br />
het glo sy troepe lewend begrawe as hulle nie dié sieklike verlange huis toe kon afskud nie.<br />
Dis eers aan die einde van die 19de eeu wat wetenskaplikes nostalgie as ’n geestestoestand, en<br />
nie ’n mediese een nie, begin beskryf het, en self toe was hulle nie dadelik positief daaroor nie.<br />
In 1995 is daar egter by die Le Moyne College in Syracreuse, New York, ’n omvattende studie<br />
gedoen oor nostalgie. Dit was een van die eerstes wat dit positief beskryf het. Nostalgie gee<br />
vir ons ’n buffer teen eksistensiële bedreigings. Dit is ’n manier waarop ons vir onsself hoop en<br />
inspirasie vir die toekoms gee. “Nostalgia mobilizes us for the future. It increases our desire to<br />
pursue important life goals and our confidence that we can accomplish them.”<br />
Dit gaan nog maande, dalk jare wees voordat ek weer ’n lang staptog oorsee kan<br />
geniet of vertonings op Broadway kan kyk. Intussen sal Sophia my help om weer ’n slag<br />
op Riebeek-Kasteel te kom, ontbyt te eet op Franschhoek of ’n nag oor te slaap in die<br />
Breedekloof of die Hemel-en-aarde-vallei. Met R60-petrolgeld per tenk!<br />
Gerda<br />
Gerda_travel<br />
*Een van Sophia se eerste bykomstighede was die <strong>AA</strong>-paniekknop. Die<br />
knoppie verbind aan die slimfoon-app vir <strong>AA</strong> Armed Response, wat 180<br />
veiligheidsmaatskappye landwyd gebruik sodat jy hulp op enige plek kan<br />
ontbied. Die diens kos ’n billike R35 per maand en die knoppie eenmalig R460<br />
(by <strong>AA</strong>-winkels landwyd). Jy kan ook hulp ontbied deur ’n knoppie op jou foon<br />
te druk. Fietsryers plak sommer die knop op hul helms sodat hulp naby is.<br />
Het jy terugvoer oor hierdie uitgawe? Skryf aan ons by aa@media24.com<br />
3<br />
<strong>HERFS</strong> <strong>2021</strong> | <strong>AA</strong> Reisiger
Change language