AA REISIGER HERFS 2021

Van die uitvoerende hoof
Ons beweeg vorentoe
– vir jóú
Beste AA-lid
My werk as uitvoerende hoof van die AA
is om seker te maak dat jy maksimum
voordeel uit jou lidmaatskap trek; dit is
die dryfveer van alles wat ons hier by
die AA doen. ’n Belangrike deel hiervan
is om seker te maak dat ons huidige
aanbieding alles doen wat ons beloof,
en om dan die prosesse in te stel wat dit
laat gebeur. As ons egter nie voortdurend
vorentoe beweeg en innoveer nie, sal ons
eenvoudig in een plek vasgevang bly, en
sal jou voordele nie mettertyd verbeter nie.
Niemand van ons wil dít hê nie.
Daarom moet ons nuwe rigtings inslaan
en dit noukeurig doen. Verlede jaar het ons
verskeie nuwe en verbeterde produkte in
ons reeks gevestig. AA Armed Response,
byvoorbeeld, is suksesvol bekendgestel,
en daarna het ons ’n paniekknoppie
bygevoeg. Dit behoort binnekort in al
ons plaaslike AA-winkels te wees. AA
DIE PROGRAM #SaferCarsforAfrica EN
AARTO IS ALBEI BAIE BELANGRIK VIR ONS,
EN DIS VIR ONS BELANGRIK DAT JY ONS
STANDPUNT OOR ELKEEN VERSTAAN.
Connected Car is nog ’n voorbeeld, sowel
as AA Autofacts. Hierdie is uitstekende
produkte wat die toets van die tyd sal
deurstaan. Maar dis nie genoeg nie. In die
komende maande sal ons nog produkte
bekendstel, alles daarop gemik om
jou voordele en ervaring van die AA te
verbeter.
Deel van daardie ervaring is die
tydskrif wat jy tans lees. As jy hierdie
uitgawe elektronies lees, maar graag
’n papierweergawe wil hê, sorg net dat
ons jou korrekte tuisadres het, en ons sal
toesien dat dit by jou voordeur afgelewer
word. Gegewe die probleme met die
Poskantoor het ons besluit om nie meer
tydskrifte op hierdie wyse af te lewer nie,
maar ons kan dit na jou voordeur bring
(sonder enige ekstra koste) as ons jou
korrekte adres het.
Ons dink AA Reisiger is ’n uitstekende
manier om jou aan nuwe plekke, mense en
aktiwiteite in ons land voor te stel. Een van
die artikels in hierdie uitgawe fokus op ’n
sewe dag lange besoek aan die Kgalagadi.
Dis ’n heerlike artikel en het my beslis lus
gemaak om weer soontoe te gaan. Daar
is ook ’n mooi artikel oor die Robbergnatuurreservaat
en dagstappe wat jy in elke
provinsie kan onderneem. ’n Baie goeie
en noodsaaklike artikel in hierdie uitgawe
is oor rolstoelvriendelike verblyf, met
voorbeelde in elke provinsie, ’n kwessie
waaroor ons nie dikwels genoeg skryf nie,
maar wat ook baie belangrik is om oor na
te dink.
Daar is twee artikels in hierdie uitgawe
wat ek egter wil hê jy deeglik moet
lees: Die eerste een is die Global NCAPbotstoetsuitslae
van die afglope jaar, en
die tweede is die artikel wat ons mening
oor die voorgestelde Aarto-wetgewing
uiteensit. In 2020 het byna 10 000 mense
ons petisie aangaande hierdie wetgewing
onderteken, ’n groot prestasie. Die program
#SaferCarsforAfrica en Aarto is albei baie
belangrik vir ons, en dis vir ons belangrik
dat jy ons standpunt oor elkeen verstaan.
Op hierdie punt wil ek Mahindra gelukwens!
Dit is die eerste motorvervaardiger in Suid-
Afrika wat ’n vyfster-veiligheidsgradering
gekry het vir ’n voertuig wat plaaslik te
koop is. Dit is ’n ongelooflike prestasie,
en ons hoop dit is die eerste van vele
vyfstergraderings in ons land.
Laastens wil ek julle almal aanmoedig
om die AA-app af te laai. Dit is in al die
app-winkels beskikbaar. Die app sal jou nie
net toelaat om jou besonderhede vinnig te
verander nie, maar jou ook op die hoogte
hou van alle nuwe ontwikkelings. Dit sal
jou boonop in staat stel om ons vinnig in
die hande te kry in ’n noodsituasie. Dis ’n
wonderlike app en ek hoop jy oorweeg om
dit te installeer.
Tot volgende keer
Willem Groenewald
7
HERFS 2021 | AA Reisiger