AA REISIGER HERFS 2021

76
TOYOTA STARLET
As dié Toyota mense verward laat voel,
is dit omdat die Starlet basies ’n Suzuki
Baleno is met ’n Toyota-kenteken op.
Ek sou hier kon eindig en jou bloot na
resensies van die Baleno verwys, maar
laat ek verduidelik. Toyota en Suzuki het in
2019 'n samewerkingsooreenkoms gesluit
en jy begin nou die resultate daarvan sien.
Sulke ooreenkomste is nie nuut nie en
glad nie ongewoon nie. (Die Toyota-BMWsamewerking
het byvoorbeeld tot die
Supra gelei, wat op die BMW Z4 gegrond
is.)
Die naam Starlet is laas in 1999 gebruik.
Dit is ’n sakpas-luikrug wat goeie waarde
vir geld bied. Toyota was uitgeslape
genoeg om die Starlet goedkoper as
die Baleno te maak. Voeg daarby die
Toyota-naam wat met betroubaarheid
verbind word, en die wye Toyotahandelaarsnetwerk,
en jy verstaan dat die
Baleno 'n sterk mededinger gekry het. Die
enigste voordeel van die Baleno is dat sy
diensplan en waarborg ’n raps beter is as
dié van die Starlet. Maar, jy kan die Starlet
se diensplan verleng teen ’n ekstra koste,
wat die twee weer feitlik gelykop maak.
Die Starlet het ook drie modelle teenoor
die Baleno se twee. Daar is die intreevlak
Xi, die middelslag Xs en die topmodel,
die Xr. Die Xr het ’n oudiostelsel met ’n
raakskerm, wat met Android Auto en
MODELKEUSE Starlet 1.4 Xr MT
VANAF R258 500
DIENSPLAN 3 dienste/45 000 km
WAARBORG 3 jaar/100 000 km
BRANDSTOFVERBRUIK 5,1 l/100 km
Apple CarPlay geïntegreer is vir navigasie,
foonoproepe en musiekstroomdienste.
Dit het ook parkeerafstandbeheer, ’n
tru kamera, klimaatbeheer en ’n drukknopaanskakelaar,
sowel as kruisspoedbeheer
en ’n veeldoelige stuurwiel.
Al die modelle het dieselfde enjin as
die Baleno, ’n 1.4 liter-viersilinderenjin wat
68 kW krag en 130 Nm wringkrag lewer.
Jy kan tussen ’n vyfspoed-handratkas
of vierspoed- outomatiese ratkas kies.
Die veiligheidskenmerke sluit in twee
lugsakke, sluitweerremme, elektroniese
stabiliteitsbeheer, rembystand, voertuigstabilisering
en Isofix-ankerpunte. Die
outomatiese model het ook heuwelwegtrekbystand.
Die Xr-model het
gordyn- en kantlugsakke.
Boonop was die Starlet tweede in
die kategorie vir Super-mini's in die
2020-AA-Kinsey-verslag wat die prys van
motoronderdele in elke segment vergelyk.
Slegs die Renault Sandero kon hom klop
wat bekostigbare onderdelepryse betref.
Watter een moet jy kies? Die Suzuki
Baleno of die Toyota Starlet? Dis maar ses
van die een en ’n halfdosyn van die ander.
Albei vervaardigers is bekend vir gehalte,
betroubaarheid en puik naverkopediens.
Jy kan nie verkeerd gaan nie!
•Die Starlet sal ingesluit word in die
volgende jaarlikse AA-intreevlak-motorpeiling.
Lees die volledige uitslae van die
AA-Kinsey-verslag in AA Reisiger Somer
2020, of besoek aa.co.za.
HYUNDAI CRETA
Die Creta is nie 'n nuwe
sportnutsvoertuig nie, maar
hierdie is ’n nuwe weer gawe
van 'n ou gunsteling. Die
Creta is baie gewild en word
net deur die Volks wagen
T-Cross en die Mazda CX-3
uitgestof, maar Hyundai
hoop dat die nuwe model
die bordjies sal verhang.
Die tweede generasie
Creta het ’n paar stylveranderings
ondergaan
om sy voorkoms vars en
modern te hou. Jy gaan
óf mal wees daaroor óf dit
haat. Ek dink dit is mooier as
sy voorganger, wat nie juis
uitgestaan het nie.
In die kajuit was daar
ook ’n paar vernuwings,
soos die byvoeging van ’n
info-vermaak-stelsel met
Apple CarPlay en Android
Auto wat nou standaard
is in die reeks, sowel as
parkeerafstandbeheer en
’n trukamera. Wat veiligheid
AA Reisiger | HERFS 2021