AA REISIGER HERFS 2021

Saans om tienuur skakel hulle die
kragopwekker by Mata-Mata af. Dan
kan jy foto's van die naghemel neem.
Verblyf
Reservate
Die drie hoofkampe is Twee Rivieren,
Nossob en Mata-Mata. Hier is huisies
vir 2, 4 of 6 mense, en staanplekke
met gedeelde ablusieblokke. Die
huisies is goed toegerus (ook met
lugverkoeling en plek-plek platskerm-
TV’s), kombuistoestelle, breekware en
eetgerei, en beddegoed en handdoeke.
Die kampterrein het enkele bome en
afdakke vir koelte, sowel as kragpunte.
Sorg dat jy vroeg daar is om die beste
staanplek te kry. Braaiplekke is algemeen
beskikbaar, by die huisies en
die staanplekke. Huise begin by sowat
R2095 per nag vir twee mense, en
staanplek by R400 per nag vir twee
mense. Bespreek by sanparks.co.za of
012 428 9111/082 233 9111.
Versamelvoëlneste
seker te maak jy kry jou voorkeurverblyf.
Dit klink my hulle kom omtrent elke jaar
Kgalagadi toe.
Intussen het Mari en André du Toit in
die Landrover Discovery teruggekeer.
André bied aan om ons verby die ergste
sand te help – tot by Dertiende Gat.
Hy is bedrewe en grawe die RAV se
herwinningspunte uit, en maak die RAV
aan die Disco vas. Die plan is dat ons ook
vet gee – die tou help net.
So vinnig soos blits is ons terug op die
pad. Die Disco galop soos ’n Lipizzaner
voor ons.
Elke keer as die RAV wil-wil spoed
verloor, pluk die tou ons uit die sand
'n Uil teen sonsondergang
buite Mata-Mata
soos ’n steeks donkie wat weer op
die regte pad teruggedwing word. By
Dertiende Gat maak André die tou los en
sê ons moet steeds agter hom bly – dat
hy ’n oog kan gooi. Hy maak die pas styf
aan – jy het momentum nodig vir los
sand, en ons wip soos Dakar-ryers agter
hom aan. Die RAV se voorwiele swaai
soos ’n Labrador in die een rigting en
sy boude in ’n ander, maar ons hou aan
beweeg. Ons is dankbaar toe ons Mata-
Mata se hek sien.
Eers toe ek agterna begin kratte aflaai
onthou ek van die geskeurde broek,
wat toe al ’n peer keer daardie dag
noodgedwonge langs die motor was!
Die dag neem darem ’n lekker
draai. Ons het een van die “rivierhuise”
bespreek en ons stoep kyk reg op ’n
watergat in die droë rivierloop uit.
Ons het twee middae en twee aande
om hier te sit en diere kyk.
Ons kan selfs ’n vleisie braai terwyl
ons dit doen. Saans om tienuur,
wanneer die kamp se kragopwekker
afgeskakel word, neem ons foto’s van
die ongelooflike sterrehemel.
Wat ’n stukkie paradys!
>
Grootkolk, die Kalahari-tentkamp,
Gharagap, Urikaruus, Bitterpan en
Kieliekrankie is wilderniskampe.
Die kampe is nie omhein nie en
geen kinders jonger as 12 word daar
toegelaat nie. By elke kamp is ’n
gewapende opsigter aan diens, maar
verder geen geriewe soos winkels
of swembaddens nie. Die huisies is
toegerus met linne, breekware en
toestelle wat met sonpanele werk,
maar verder is daar geen kragpunte
nie. Huisies begin by R2125 per nag vir
twee mense. Bespreek by sanparks.
co.za, 012 428 9111/082 233 9111.
Vir luukse verblyf is daar !Xaus
Lode (sanparks.co.za, 012 428
9111/082 233 9111) en Rooiputs
(BotswanaTravelService.com).
Vir verblyf in die Polentswawilderniskamp
en kampeerplekke in
Mabuasehube (slegs bereikbaar met
’n 4x4), kontak die Botswana-kantoor.
+267 318 0774 of e-pos dwnp@gov.bw.