A Text centred rhetorical analysis of Paul's Letter to Titus

OPSOMMING
Hierdie studie is gebaseer op die voorveronderstelling dat die Brief aan Titus
nog moet baat vind by ’n deurdagte, retories-kritiese analise, wat die
uniekheid daarvan as ‘n samehangende, gehele deel van Nuwe
Testamentiese literatuur, wat onafhankilik van die briewe aan Timotheus
geinterpreteer kan word, sal demonstreer. Gevolglik is ’n oorsig van
bestaande navorsing oor die Pastorale Briewe in die algemeen, en Titus
spesifiek onderneem (Deel 1) gevolg deur ‘n volledige teks-gesentreerde,
retoriese analise van die Brief aan Titus (Deel 2). Laastens is ’n opsomming
van die resultate van hierdie studie gemaak (Deel 3).
In Deel 1 het ’n oorsig van bestaande navorsing oor die outeurskap, teologie,
struktuur en samehangendheid en retoriese benaderings tot Titus blootgelê
hoe, te wyte aan die deurdringendheid van die egtheidkwessie of die debat
rakende die outeurskap van die Pastorale, die Brief aan Titus gemarginaliseer
en in die lig van die Timotheus korrespondensie geinterpreteer word. In al
bogenoemde kategorieë is die uitsonderlikheid en oorspronklikheid van Titus
misken. Die egtheid van die Pastorale Briewe is nooit bevraagteken voor die
negentiende eeu nie, totdat Duitse akademici die Pauliniese outeurskap van
hierdie werke in twyfel begin trek het. Die sleutelkwessies waaroor die dispuut
gehandel het is verwant aan teologiese, ekklesiologiese, stilistiese and
historiese ongerymdhede wat Nuwe-Testamentiese navorsers, in hul analise
van die drie briewe bevraagteken het. In reaksie op hierdie oënskynlike
ongerymdhede, het verskeie teorieë die lig gesien om vir die oorsprong van
die drie briewe verantwoording te doen. Eerstens was daar die vervalsing- of
fiksiehipotese waarvolgens daar aangevoer word dat die Pastorale deur
iemand anders, in die naam van Paulus geskryf is, waarskynlik ná sy dood.
Navorsers wat die Pauliniese outeurskap van die Pastorale verdedig, het die
vervalsing- of fiksiehipotese bevraagteken op grond van etiese, historiese,
hermeneutiese en apostoliese oorwegings. Die oorsprong van die briewe is
ook verklaar deur die volgende teorieë: die fragmenthipotese, sekretaris- of
PDF created with pdfFactory Pro trial version www.pdffactory.com
197