Odolaren mintzoa - Euskaltzaindia

Aitzin solasa
«Auspo» onak dauzkala Euskal Herriak bere bertsolariak, aspaldi
daki hori A. Zabala-k. Euskarari haize garbi eta indartsua
ekarri diola, Urepele Xalbadorrenean, duela berrogei eta
hamasei urte jaio zen Ferrando Aire-k, hori ere noski ezagutu
due1akotz A. Zabala-k, horregatik deritzat liburu gotor hau eskaintzen
digula urepeldarraren bertso sailak hemen bilduta.
Lehenagotik ere, hala nola 1969-an Ezin bertzean liburuan
eta beste zenbaitetan, nola Xenpelar Sariaz, bertsolarien
xapelketez eta holako, asko eman dizkigu Auspoa-k Xalbadorren
bertsoak. Berdin atsegin izango du hemen irakurleak,
lehengoetarik zerbait aurkitzea. Hola egiten ahalko du hark
ere nik egun egin dutana: hitzaurre hau neri eman didatelarik
egiteko, auzoko adiskide bezala, noski, egun oso batez iretsi
baidut liburu hau, batean irakurriz eta bertzean kantatuz, Xalbadorrezko
ase on eta aberasgarri bat eginez. Gorenaz ere neri
gertatu zaidana zaio gertatuko hari ere: ase baino gehiago,
gosea haunditu irakurtze laster horrekin.
Barkatu, beraz, irakurlea, nik nere asearen -edo gosearen-
berri ematen badizut hemen, gehiagorik gabe, eskatu
didaten bezala.
1/ Bihotz bat... kezkaz betea
Xalbadorren bihotza! Zuk, gizon hau ezagutu ez duzuna,
begira zazu azalaren latza edo begiaren iluna baino barrenago,
eta berari ezin begiratuan, irakur edo abestu, gora gora, liburu
honetako kantuak. Bihotz bat, Xalbadorren bihotza, duzu
hemen aurkituko bero beroa, hitz eta gogoeta guzietan jo eta
9