Odolaren mintzoa - Euskaltzaindia

9
Hil hobi huntan noizbait norbait balabila
zure izaitearen herrestoen bila,
lurpetik entzunen du deiadar bipila:
«Hemen dago ama bat bere haurrek hila!».
***
Xalbador zenaren paperetan sail hunen zmmarra edo
borradore bat agertu da: pertsu batzu sailean daudenak,
zenbait aldaketarekin; eta bertzeak berri-berriak eta hemen
agertzea merezi dutenak:
Egoki zen hil aintzin garbi nitzan ager
ene sendimenduak ezagun guzier.
Nun nahikoa izan eskuin edo ezker,
ene anaia dela eskualduna den ber.
Frantzesak izan arren buztarriko lagun,
eskualdun sortu nintzan, hiltzeko eskualdun.
Bordele ta Parisa enetako berdin,
nahiz heien erranak nik zintzoki egin.
Ez dute gerlarikan izanen enekin,
bainan ene bihotza ez dago hoiekin.
Behar nuela nintzan aspaldi ohartu
horien aginduer buma makurtu.
Deus emaiten badute esker onez hartu,
bainan hoien arteko auzitan ez sartu.
Eskualduna sorturik bizi naiz damutan,
Jainkoa, baitakizu zer pairatzen dutan.
Zendako eman duzu biotz bat ni baitan,
Ama bat agerian ez maitatzekotan?
170