Odolaren mintzoa - Euskaltzaindia

2
Garelakotz lagunak eta elgar maite,
adixkide xaharrak garela diote.
Bainan xaharragorik nonbait baditaike:
guk elgar ikusirik lehengotz, nik uste,
aurten beteko ditu bederatzi urte.
3
Geroztik izan zaitut adixkide mina,
zure ganatzea da ene atsegina.
Zarelakotz pertsutan osoki jakina,
lagun bila naiz egun zure ganat jina,
biek bururatzeko ene etsamina.
4
Errex da pentsatzea zonbat zaukun eder
elgar ezaguturik dohain bati esker;
etsenplu eman dugu batzuer ta bertzer,
zonbait pertsu kantatuz eskuin eta ezker,
lan bereko lehia eman nahiz gazter.
5
Bainan debaldetan da gure erttsegua;
gazteak bertz'alderat hartu du plegua:
zineman eta dantzan uda ta negua,
iduri sekulako duela galdua
gure aintzinekoen kantuko gostua.
6
Koplariak metaka ziren lehenago,
bihi bat ere ez da sortzen gehiago.
Gauza hori ikusiz, gogoetan nago,
aintzina joanago eta tristeago,
pertsulari arraza gutan den akabo.
102