Odolaren mintzoa - Euskaltzaindia

2
Gu «euskaldun fededun» gintaizke ainitzak,
fedetik ihes egin ez balu hizkuntzak;
egiztatzekotz erran zahar horren hitzak,
bien iheslekua behar du elizak,
tra la lara lara behar du elizak.
3
Zuri mintzo nitzaizu, apez euskalduna,
hobeki erraiteko, euskal izen duna;
gure gogo barnean deitzen zaituguna:
euskara ostikatzen dutenen laguna,
tra la lara lara dutenen laguna.
4
Ez ditut oro zaku berean sartuko;
bainan zuk, arrotz bat hor ikusi orduko,
herri bat osoari egin duzu uko,
Jaungoikoaren hitza harturik lekuko,
tra la lara lara harturik lekuko.
5
Arrotzaren ariman argitu nahia
dela diozu zure helburu garbia;
ez dakit horri pizten diozun argia,
euskal bihotzetan bai zonbait errabia,
tra la lara lara zonbait errabia.
6
Arrotz horren gogoan beharrez barnatu
edo zure burua nahiz enganatu,
herri aiherkundea duzu zu ganatu;
Jainkoak ez derautzu hoinbertze manatu,
tra la lara lara hoinbertze manatu.
201