Odolaren mintzoa - Euskaltzaindia

Anai arrebak, zuen txalo eta beste
maitasun seinaleek inarrosi naute;
berriz zuen alderat zorrez bainaiz bete,
agertuko dautzuet zoin zauztetan maite,
ene bihotz tristeak joiten duen arte.
Ez otoi enegatik naigabez sumindu,
ez ere nitaz pentsa: Horrenak egin du!
Gogo hunek oraino kantuz atsegin du,
ez da zuen Xalbador betiko ezindu,
zuendako sendotzen nai naiz alegindu.
Egun kantatzeari egin arren uko,
geroko esperantza dut nere eskuko;
hitz emaiten dautzuet, Jainkoa lekuko,
hemendik hilabete batzuen buruko
berriz hor nauzuela zuen zerbitzuko.
286